大戶屋

营业中

休息中

今日试咗盐葱汁烧鸡扒定食 ; 及 烧生姜酱油牛舌定食， 盐葱汁鸡扒，汁就冇问题，今日个鸡扒送到来嘅时候系唔够热， 食物唔热边度好食㗎！！！ 新开张缘故都唔系话咁多人，八点钟到达全间餐厅 ，手指都数得出得14个客人，大部份已经食紧， 得我这枱落柯打， 都竟然食物系唔够热，仲要等咁耐😵😵😵 。之前，旧餐牌食𠮶个盐烧牛舌呢系好好味！改咗餐牌唯有试下呢个，烧生姜酱油牛舌定食， 牛舌下低就放咗啲洋葱， 咬一口牛舌，竟然系甜牛舌， 第二次 试下点个酱汁，酱汁都可以味道，但系牛舌已腌时候，落太多糖，带有重甜味 。不适合个人口味。 都系之前旧个餐牌盐烧牛舌惹味正常啲 。 又唔知咩原因𠮶啲配菜，系干争争，没有加醋腌制过淡而无味， 食干椰菜，一样， 重未改善到 。发现洗碗，唔系咁干净，有少少油渍，同埋有啲饭粒仍然黐住碗边，要注意卫生，要注意卫生啲 。 中环埋单需要自己出去收银处付款， 就唔似得铜锣湾分店买单嘅时候佢会将张单送嚟你枱度 。 盼望快啲改善到食物质素 。另外，某些坐位置有射灯照射非常之热冷气不够，有些座位置超级冻 。