菓甜品 (已結業)

呢碟丝丝入心其实系心太软， 但系个摆盘好有创意，将心太软入面嘅流心流留落放喺下面嘅雪糕，一啲都唔会嘥，感觉就好似可以完全食哂心太软既朱古力咁。而心太软嘅朱古力味好浓，入面既流心朱古力温度好暖唔会太热，虽然蛋糕表面好干但系点埋啲朱古力流心一齐黎食就可以中和返个口感。另外心太软嘅下面唔净只得雪糕 ，重有啲好好味嘅脆脆同埋oreo，食落口感脆卜卜有甜味又有咬口。呢个甜品比起传统既法式焦糖炖蛋摆盘更加精致，上面系焦糖炖蛋下面系鲜果，而出面包住嘅就系班戟。表层果层焦糖烧得金黄松脆好有焦味，而层糖又唔会太厚搞到过份甜，另外炖蛋好有蛋香同埋云呢拿香食落会见到黑色一粒粒嘅云呢拿粒。配合埋低层既鲜果就充满鲜甜入心嘅感觉。可惜嘅系当食哂班戟入面啲馅料就显得班戟好淋，同埋无乜味道，不过食到咁精致摆盘既焦糖炖蛋都好满足。本身以为佢真系一条粟米因为真系整得好似，但其实佢系粟米味既冻芝士条。 虽然佢系芝士条但系冇芝士嘅咸味，佢有芝士味得黎系甜嘅，虽然系冻咗啲，但系粟米加芝士配合埋侧边嘅爆谷同埋脆脆，真系甜到入心得黎唔会太寡。食完咁多甜野最好就系饮番杯清甜嘅饮品去一去滞滞地既感觉。 柠檬味嘅清新配合埋薰衣草嘅香味，