影片
更多
2015-02-24
780 浏览
大家姐话元朗有间小炒好多o野食, 好抵食, 拍晒心口话佢食过几次都无事… 我都真系半信半疑, 但系其他人无异议, 我唯有和议…来到门口, 爆多人, D枱摆晒出街都全院满座, 订咗冷气厢房都要等, 座位仲椅贴椅, 接近坐唔入, 后面枱3位年轻女子不停报以仇视眼光, 我想讲, 我地都系受害者, 唔该你仇就仇间餐厅… 个冷气厢房接近完全无冷气, 仲要不停滴倒汗水, 我估部冷气唔支持得几耐…10个𩠌, 加埋啤酒汽水白饭, 1行14人先至$1100, 真系坚抵…乳鸽脆就够脆喇块皮, 但肉比较少, 致命伤是好咸, 可能系为咗迎合饮啤酒的客人的口味…薯仔牛柳粒好得, 甜甜酸酸的, 薯仔又够粉, 好快比人抢晒…粟米斑块又系小朋友之选, 热辣辣到呢, 没有半点腥味及多余油份, 几得㖞…炒蚬我冒死试咗1粒, 味道中俗, 不至好味到我要冒死食多几粒…姜葱煀蚝好惹味, 都几大只, 仲食极都有, 要用筷子搜索清楚有无幸存者缩系姜葱下面…炸猪手皮脆肉嫩, 绝对是惊喜之作, 啤酒肚的欣物…椒盐鲜鱿鲜度略逊, 惹味得来总像缺少了灵魂, 不知道问题出在那里… 可能系个喼汁唔得…好耐无食过豉汁蒸鳝, 用大木桶上, 很有风
大家姐话元朗有间小炒好多o野食, 好抵食, 拍晒心口话佢食过几次都无事… 我都真系半信半疑, 但系其他人无异议, 我唯有和议…来到门口, 爆多人, D枱摆晒出街都全院满座, 订咗冷气厢房都要等, 座位仲椅贴椅, 接近坐唔入, 后面枱3位年轻女子不停报以仇视眼光, 我想讲, 我地都系受害者, 唔该你仇就仇间餐厅… 个冷气厢房接近完全无冷气, 仲要不停滴倒汗水, 我估部冷气唔支持得几耐…
10个𩠌, 加埋啤酒汽水白饭, 1行14人先至$1100, 真系坚抵…
乳鸽脆就够脆喇块皮, 但肉比较少, 致命伤是好咸, 可能系为咗迎合饮啤酒的客人的口味…
薯仔牛柳粒好得, 甜甜酸酸的, 薯仔又够粉, 好快比人抢晒…
粟米斑块又系小朋友之选, 热辣辣到呢, 没有半点腥味及多余油份, 几得㖞…
炒蚬我冒死试咗1粒, 味道中俗, 不至好味到我要冒死食多几粒…
姜葱煀蚝好惹味, 都几大只, 仲食极都有, 要用筷子搜索清楚有无幸存者缩系姜葱下面…
炸猪手皮脆肉嫩, 绝对是惊喜之作, 啤酒肚的欣物…
椒盐鲜鱿鲜度略逊, 惹味得来总像缺少了灵魂, 不知道问题出在那里… 可能系个喼汁唔得…
好耐无食过豉汁蒸鳝, 用大木桶上, 很有风味, 豉汁香浓, 鳝肉滑溜, 我食咗接近3份1…
鱼汤什菜同腐乳通菜都几好味…
大家姐果然无介绍错… 我就易呕人, Honey就易疴人, 平时食o野要好小心好小心, 估唔到今次边食边冒汗又无出事㖞… Honey不单止无批评仲大赞佢镬气够, 呢样先最始料不及…间餐厅都几近龙妈, 之后同佢讲起, 佢好有兴趣, 可能见唔食太排档嘅我食完都赞, 真系走咗去买外卖, 食完佢都话真系唔错, 搅到另一个住屯门的C9朋友系FB见到都走来问详情, 呢D咪viral marketing啰…
张贴
