影片
更多
2015-03-11
5148 浏览
朝早起身，望下窗外，当堂眼前一亮，之前一段时间都天阴阴的，今日居然有阳光wo，一于出去晒下太阳吧 好耐之前睇过蔡澜嘅一个电视节目，知道上环有一间非常唔错嘅粥店，老婆意思系想去啲好少去嘅地方，适逢其会，就一家三口一齐黎试试哩间【生记】嘅出品吧～去到上环，12点半午饭时间。。。又唔系喺哩头返工，早唔到迟唔到，我地居然哩个时间到，排队系无可避免架喇，就睇下要排几耐啰 【生记】喺哩个角落系有3间铺的，我地本来排喺粥品门口的，排咗阵有个员工同我地讲隔离面店门口冇咩人，排𠮶边啦，一样架咋 好好好，我地就转移阵地，走咗过去排喇，就排多5分钟左右就可以入去喇～坐低后就即刻落单喇，我老婆中意食【鱼腩粥】，就黎碗啦，再黎碟【炒米粉】吧。。。黎到咁远，要多份【煎鱼饼】吧。。。反正都系喇，俾埋碟【皮蛋】我 （食到差唔多，问咗老婆大人意见后，再补多碗【鱼腐米线】，但一黎我俾碗米线嘅评语比较多，二黎属于米线铺嘅出品，所以都系喺米线𠮶边开多个食评吧）先上台嘅系炒米粉，调味适中，咸度啱啱好亦平均，配料嘅肉丝应该有先炒过，所以碟米粉味道一啲都唔寡，口感系偏软𠮶种，唔系话好好味，但睇得出配料配搭方面有认真考虑过，红萝卜丝
去到上环，12点半午饭时间。。。又唔系喺哩头返工，早唔到迟唔到，我地居然哩个时间到，排队系无可避免架喇，就睇下要排几耐啰 【生记】喺哩个角落系有3间铺的，我地本来排喺粥品门口的，排咗阵有个员工同我地讲隔离面店门口冇咩人，排𠮶边啦，一样架咋 好好好，我地就转移阵地，走咗过去排喇，就排多5分钟左右就可以入去喇～
坐低后就即刻落单喇，我老婆中意食【鱼腩粥】，就黎碗啦，再黎碟【炒米粉】吧。。。黎到咁远，要多份【煎鱼饼】吧。。。反正都系喇，俾埋碟【皮蛋】我 （食到差唔多，问咗老婆大人意见后，再补多碗【鱼腐米线】，但一黎我俾碗米线嘅评语比较多，二黎属于米线铺嘅出品，所以都系喺米线𠮶边开多个食评吧）
先上台嘅系炒米粉，调味适中，咸度啱啱好亦平均，配料嘅肉丝应该有先炒过，所以碟米粉味道一啲都唔寡，口感系偏软𠮶种，唔系话好好味，但睇得出配料配搭方面有认真考虑过，红萝卜丝，椰菜，青光菜，榨菜肉丝等等应该有都有了，每样份量都唔太多，控制成本得黎，亦唔会显得配料多过米粉，但就真系好碎啰，冇条长，食得唔系咁方便，严重影响咗口感
炒米粉食到差唔多就上【皮蛋】喇。老实讲句，见到就唔开胃，中间蛋黄睇落感觉上霉霉地咁，试啖先。。。隐隐约约咁透出一股阿摩尼亚味 𠮶种令人恶心嘅味道唔算好犀利，我相信如果切碎佢，掉落去煲粥应该冇特别问题嘅，但就唔适合就咁食或者做凉拌啰 皮蛋哩味野，真系要试清楚先决定好唔好攞出黎奉客呀！好难顶加嘛
跟住上嘅系煎鱼饼（本来系有4片的，老婆手快，都未影相就冇咗两片了，佢真的饿了，BB亦饿了） 哩份鱼饼嘛，味道中规中矩，冇煎得太干，保留咗鱼本身嘅味道，但可能已经一早煎定，所以唔系好香，口感偏软，生意好成咁，唔好太大期望
每次去西贡我老婆都好挂住【金山粥店】嘅出品，价钱便宜味道又好，鱼腩新鲜又大大件，粥底虽然唔系非常香，但煲得都算绵，已经算系中上之作了 虽然我对粥冇乜情意结，但确实系有期待的
等咗咁耐，鱼腩粥终于上台了～试试先，粥底煲得算烂，但食落唔系好绵，米亦唔够香wo。。。
鱼腩份量都唔少，亦算新鲜，但煮得过火咗少少，影响咗整体口感，有种唔系咁好食嘅感觉。。。
得罪讲句，味道其实唔差，但系真系冇乜特别，对唔住我俾出去嘅38蚊啰
最后总结，从【炒米粉】到【煎鱼饼】到【鱼腩粥】再到我后加嘅【鱼腐米线】都俾咗我一个强烈感觉，食物配搭的确花过心思，有今时今日嘅名气睇得出原因，但出名喇，生意好喇，就顾唔到品质喇。。。。。。算啦，走喇，埋单。
张贴
