楚撚記大排檔 (馬頭圍道) (已搬遷) 新店位置

楚撚记长期都好多人，礼拜日既夜晚7点倒去到，侍应话要等张台，谂住都唔会等好耐，就响出便等。点知等等下，等左成个钟多少少先入得座，响等既途中发觉佢真系好好生意，超多外卖！出便成张台都系放外卖，未停过手。8点10分倒入座，两个人比左张四人台，所以坐得都好舒适，两个人叫左黄金九肚鱼，五柳炸蛋，排骨陈村粉。本身都完全唔知咩叫五柳炸蛋，上网做左少少research，先知「五柳」指的是五柳菜：酸荞头，酸姜，酸木瓜，酸黄瓜，酸萝卜。食落酸酸甜甜咁，D蛋又炸得香，如果钟意食煎炸野应该会好岩食。黄金九肚鱼都系依旧好味，炸得脆口又干身，黄金又唔会过咸，yummy。不过食呢两味𩠌都好有罪恶感，唔健康既野永远都系最好食。