利小館 (已結業)

有阵时都会去利小馆食嘢.呢次叫咗几款,先系生拆鸡丝粉皮,食之前将鸡丝,青瓜丝,胡萝卜丝,粉皮同芝麻酱捞匀,食起嚟爽脆香口,都几惹味.然后仲叫咗木鱼烧茄子,烧茄子上面铺满木鱼碎同香葱,睇起上嚟好有日式嘅感觉,可惜洒晌茄子表面嘅盐都几多兼唔太均匀,令到佢食落有啲偏咸.龙虾浓汤乌冬配猪扒,乌冬冇话煮得太腍身,炸猪扒外皮薄脆,肉质唔韧,不过话就话系龙虾浓汤,可惜冇浓稠嘅质感,鲜香味淡,相对起嚟就比较一般咗少少.