影片
更多
2021-03-30
2791 浏览
生日中出潮州夜😙男朋友钟意拣西式餐厅庆祝大时大节，我却钟意拣中菜或者亚洲菜庆祝。潮州菜算系佢小时候嘅回忆，特登揾左一间好多人大赞嘅潮州私房菜。餐厅全名为香港中华出入口商会会所潮家宴，简称中出会所😂去呢度食饭要预约，食饭前两日餐厅会send个menu俾你睇睇先，有d繁复嘅嘢要预订，简单嘅就可以即场散叫。其中一样出名而要预订嘅系红烧翅，但系基于爱护鲨鱼嘅关系就无叫到。我地两个人叫左六碟𩠌，碟碟都好好食，个姨姨开头质疑我地食唔食得晒，到佢收碟嘅时候细细声讲左句，哇！乜真系食得晒😳梗系啦，我地特登唔食lunch去食㗎😂👉🏻咸蛋王鱼皮热辣辣脆卜卜好干身，唔会有太多咸蛋黄抢左鱼皮嘅味道，绝对会令你不能自拔地食晒成碟👉🏻卤水鹅拼盘非常入味，卤水嘅咸香混和鹅脂，点少少蒜醋，好好食啊❤️垫底嘅豆腐系另一个重点，豆味浓，豆腐皮唔会卤到有苦味，大赞👍🏻👉🏻冻马友呢个要预留嘅，记得whatsapp问定姨姨有咩鱼，佢地仲可以拣冻龙虾/冻蟹，不过我怕太毒都系食鱼算喇。条马友都几大条，有我前臂咁长。蒸得啱啱好无过火，肉质幼滑，鱼味香浓，油脂丰富，你见d黄油流晒出黎就知，点埋个普宁豆酱，正啊😋👉🏻胡椒猪肚汤呢个都系要预
男朋友钟意拣西式餐厅庆祝大时大节，我却钟意拣中菜或者亚洲菜庆祝。潮州菜算系佢小时候嘅回忆，特登揾左一间好多人大赞嘅潮州私房菜。餐厅全名为香港中华出入口商会会所潮家宴，简称中出会所😂
去呢度食饭要预约，食饭前两日餐厅会send个menu俾你睇睇先，有d繁复嘅嘢要预订，简单嘅就可以即场散叫。其中一样出名而要预订嘅系红烧翅，但系基于爱护鲨鱼嘅关系就无叫到。
我地两个人叫左六碟𩠌，碟碟都好好食，个姨姨开头质疑我地食唔食得晒，到佢收碟嘅时候细细声讲左句，哇！乜真系食得晒😳梗系啦，我地特登唔食lunch去食㗎😂
👉🏻咸蛋王鱼皮
热辣辣脆卜卜好干身，唔会有太多咸蛋黄抢左鱼皮嘅味道，绝对会令你不能自拔地食晒成碟
👉🏻卤水鹅拼盘
非常入味，卤水嘅咸香混和鹅脂，点少少蒜醋，好好食啊❤️垫底嘅豆腐系另一个重点，豆味浓，豆腐皮唔会卤到有苦味，大赞👍🏻
👉🏻冻马友
呢个要预留嘅，记得whatsapp问定姨姨有咩鱼，佢地仲可以拣冻龙虾/冻蟹，不过我怕太毒都系食鱼算喇。条马友都几大条，有我前臂咁长。蒸得啱啱好无过火，肉质幼滑，鱼味香浓，油脂丰富，你见d黄油流晒出黎就知，点埋个普宁豆酱，正啊😋
👉🏻胡椒猪肚汤
呢个都系要预留！食得出系新鲜猪肚煲嘅，完全无怪味好鲜甜！如果你钟意胡椒味浓嘅，呢个汤一定唔会令你失望。男朋友唔受得饮到出晒汗，我就非常之欣赏😆
👉🏻咸肉炒芥兰
芥兰条条无渣，无苦涩味，仲有淡淡姜味tim！
👉🏻糖醋面
呢个不得了喇！卖飞佛😙佢地嘅火候控制得好出色，一边煎得香脆，另一边保持少少湿润仲有韭黄香气，趁热淋上陈醋洒上砂糖，好味到要弹上天花板大叫好好味啊😍😍😍
呢间中出会所绝对可以encore，因为仲有好多嘢都想试啊！😝
张贴
