柏景餐廳 (已結業)

见信和会员有生日月份优惠，又见有热龙虾，于是去试下。食物款式唔多，似乎主打炉端烧。有烧各种蔬菜，海鲜（虾，元贝，蟹脚等）同埋主打芝士焗龙虾。冻海鲜得几款 都系蚬虾蟹脚𠮶啲。海鲜好似好多好正咁但系好可惜系一啲都唔新鲜，冇鲜味而且肉质都唔得。龙虾应该系喺数字零食舖都买到嘅急冻龙虾。甜品更无言，得几款蛋糕，全部都口感不佳又得个甜字唯有食 m字牌雪糕安慰下自己。全场比较好食嘅系热熔芝士配法包，炖汤同雪糕。我真系从来冇喺食buffet 时放弃过甜品同埋要喺buffet食炒饭，今晚真系第一次.......唯一赚嘅系服务，真系积极又有礼貌。