影片
更多
2015-03-28
6371 浏览
有次睇饮食男女见到炭烧笑宴（以下将简称"笑宴") 好似好正咁，冲绳菜未试过，仲有任食和牛，睇相已经好吸引，就是但同S先生讲下次去食，佢好是但答番我话：好呀😂如是者就到我生日果日佢就懒神秘带我去铜锣湾登龙街，去到楼下已经估到😂上到门口就有位男职员招呼我地入坐。入场时一台客都冇（当时7点）心谂可能时间尚早，晏少少就有人，当然我果时净系谂食野多d😂放题有2种，1种系烧烤，一种系打边炉，我地紧系烧烤啦😋放题每位$488 ，餐牌上面写明前菜每位$20，套餐包三色刺身（每人一客），A4/5和牛沙律（佢只放低一碗），任食方面就有A4/5和牛同猪松叶蟹仲有任食野菜（菇、洋葱、大小青椒、红椒同南瓜，可接自己喜好再叫），饮品方面要比$80/位先有任饮（平均一样饮品都$45，如果预计会饮2样以上都抵既），亦只有免费热茶提供唔会有冰水（冰水系支装要另计😒）坐低一阵，男职员就递上热毛巾抹手，然后放低前菜，过多一阵就放低2碟松叶蟹，然后逐一简介台上既酱汁系配咩食物，跟住我地都唔客气了👍蟹好多肉，好juicy,新鲜好食👍我系大闸蟹爱好者，早已练成一流拆蟹功夫，唔使一阵拆晒成碟，对面果位猪先生就辛苦少少😂特别一提系
如是者就到我生日果日佢就懒神秘带我去铜锣湾登龙街，去到楼下已经估到😂上到门口就有位男职员招呼我地入坐。
入场时一台客都冇（当时7点）心谂可能时间尚早，晏少少就有人，当然我果时净系谂食野多d😂
放题有2种，1种系烧烤，一种系打边炉，我地紧系烧烤啦😋放题每位$488 ，餐牌上面写明前菜每位$20，套餐包三色刺身（每人一客），A4/5和牛沙律（佢只放低一碗），任食方面就有A4/5和牛同猪松叶蟹仲有任食野菜（菇、洋葱、大小青椒、红椒同南瓜，可接自己喜好再叫），饮品方面要比$80/位先有任饮（平均一样饮品都$45，如果预计会饮2样以上都抵既），亦只有免费热茶提供唔会有冰水（冰水系支装要另计😒）
坐低一阵，男职员就递上热毛巾抹手，然后放低前菜，过多一阵就放低2碟松叶蟹，然后逐一简介台上既酱汁系配咩食物，跟住我地都唔客气了👍
蟹好多肉，好juicy,新鲜好食👍我系大闸蟹爱好者，早已练成一流拆蟹功夫，唔使一阵拆晒成碟，对面果位猪先生就辛苦少少😂特别一提系个蟹醋好好味，好清甜，唔记得问系咩牌子😅
主角出场了
男职员放低左个好细既炉，打开之后就帮我地基本放题包既野食都拎黎（我地2个都唔系好食猪，早知叫佢唔使拎😂最后好辛苦先食得晒碟猪）
烧好第一旧牛，放入口果下即时好开心，因为真系好好好好食，本身和牛有酱汁，唔会太劲食唔到牛味，牛肉质入口即溶，果时S猪先生仲食紧d蟹啰😂我就紧系理佢自己食先，真系好食呀👍
猪肉方面呢，其实都好食，不过我俩比较好牛，所以就少食猪d.
野菜方面洋葱好辣，可以唔再叫，南瓜冇特别，菇菇都ok,最惊喜系细细条既青椒仔几好食wo,烧完甜甜地同辣辣地，食左好多条呀我，青红椒都好甜，最后不停叫只有呢3样👍
当我地食左N碟和牛之后我发现愈来愈偏肥，食到有d滞，问男职员系咪有分唔同部分佢唔系好答到要问一问师傅，佢声称师傅会慢慢切唔同部分出黎，想食肥d/瘦d都可以同佢讲，不过S先生想试多d唔同部分所以冇特别要求，点知就愈黎愈肥，肥滞到我顶唔顺停左手食唔落😂
以前好少用咁细个炉烧，其实笑宴既炉都ok,唔会烧一阵就好㶶，食成既都唔使换网，但有个问题系烧猪肉果时d猪油滴落去会好大火😱男职员每次加水果时都响个炉上面申手过去拎杯，我好惊无啦啦抢火烧到佢😒
饮品方面我地叫左「冲绳雪盐黑糖特饮$45」同「巨峰提子梳打」，黑糖特饮有d似淡味宝矿力，又咸又甜咁😂巨峰提子梳打s先生话好饮，但我冇试过。
放题时间系120分钟，我地食足120分钟😱而到最后竟然冇人😱如是者我地就包左场😂👏呢个价钱唔平，可以去酒店食好既自助餐，不过包场就算好抵😂👍
S先生话间野应该冇下年，难得食过都好👍
张贴
