Bostonian Seafood & Grill (已結業)

生日饭去咗朗廷酒店内嘅Bostonian Seafood & Grill知道佢哋嘅生蚝好出色而我又咁岩想食所以就拣咗哩度装修系典型酒店西餐厅咁灯光比较暗而有情调我哋被安排坐C形梳化位座位舒适宽躺.由于疫症关系由晚餐改为午餐我哋叫左生蚝及set lunch🍴🔸Market Oysters由厨师发板，每款两只，食入口非常非常之鲜甜！处理的好干净又不失鲜味，当中我钟意纽西兰嘅蚝，好creamy！蚝好值得食！🔸Spanish Octopus Carpaccio 经典嘅西班牙小食，大大只嘅八爪鱼切成薄片，口感弹牙唔韧，用了smoked paprika、black olives powder 作调味，烟薰味非常突出。🔸Red tuna tartare 吞拿鱼被腌渍过，食落咸咸酸酸几开胃，肉质新鲜、鱼味浓而不腥，配合火箭菜、红菜头、橙嚟食，清新好味。🔸Marinated Port loin 猪柳好厚身，烧成格仔纹，肉味香浓，质地较为干身实净，配焗过嘅蒜头食，味道不错。🔸Chargrilled NZ beef tenderloin 五成熟嘅纽西兰牛柳烧得好靓，切开肉质鲜嫩，油脂较少但口感弹牙。🔸Lem