茴香 (已結業)

又到生日☺️紧系想拣间钟意嘅餐厅食饭开心吓！庆祝又大一岁的晚餐，左拣右拣，比我发现咗一间几吸引嘅半自助餐，决定book枱去试吓👍而当日有whatsapp confirm booking, 服务唔错👌系地铁站行去餐厅都好快，十分钟左右就到，搭升降机到餐厅门口，员工都好快安排入座。坐低睇下餐牌，餐汤拣左是日嘅南瓜汤及法式洋葱汤各一试吓，南瓜汤味浓郁，真材实料，洋葱汤就即时焗制，相当新鲜美味。而主菜拣左加拿大猪鞍同埋蒜香三文鱼。猪鞍肥瘦适中，口感一流，配上微酸的酱汁，开胃又好味。三文鱼份量充足，烹调时间刚好，口感不错。😋点完菜就去夹吓沙律吧，有几款唔同嘅沙律拣，旁边亦有酱料，红腰豆等配料。除左沙律，都有蟹脚，水果，糖心蛋，芝士等食品供选择，味道唔错，蟹脚亦有定时增添，值得欣赏。最后不得不提嘅饮品及甜品，饮品系“能喝的tiramisu ” 以及少女心事，tiramisu 外观吸引，味道都不错，但下层带苦味，有点似斋啡，建议边搅拌边喝，少女心事带点甜甜的果味梳化，味道👍甜品餐厅会为生日者写“Happy birthday ”,亦有一枝烟花蜡烛，别具心思。