金記冰室 (康怡廣場北座)

营业中

休息中

寻日阿仔生日，带咗阿仔去康怡广场食餐好嘅。好耐冇同阿仔出街食饭啦。 我哋去咗间新开嘅餐厅，金记冰室。间嘢真系好好易去呀！就喺康怡广场地下果层，元气寿司对面就系。成间铺头店面都几大，环境好好呀！我哋坐嘅卡位啱啱好可以望住出面大马路。 一打开餐牌，见到入面有好多冰室话嘅解释。比如话「靓仔」系指白饭、「啡走」、「兜乱」、「制水」等等等等，每页嘅餐牌都会有一个字词嘅解释，好有香港旧式风味呀！ 主菜我叫咗碟XO酱猪扒炒乌冬。辣度适中，啱晒我呢啲女人仔食。猪扒又唔会太韧，成碟乌冬油油地，我本人好钟意食少少油腻嘅嘢食，感觉好开胃。 阿仔就叫咗铁板杂扒，黑椒汁跟个「靓仔」。成盘铁板仲有牛扒、烟肉、猪扒、鸡扒、肠仔(应该唔系厨师肠)块铁板够晒热呀！啲黑椒汁一倒即刻*喳喳*声，酱汁弹到我好痛呀！牛扒煎得几成熟呢我都唔知，不过听阿仔讲系好好食㗎，佢一下子就食晒手掌咁大块牛扒。我趁佢去厕所偷食咗佢一小块鸡扒，真心唔错㗎！鸡肉好滑好嫩，完全唔老，鸡皮都唔会好油。 小菜方面，阿仔帮我叫咗个金砖风沙炸豆腐。块豆真系香到呢……金黄色又香又脆的外皮，内里系滑嫩的豆腐。简直系香港民间嘅B级美食。 饮品我哋就叫咗红豆冰。