影片
更多
2021-07-01
4633 浏览
生日梗系要食好嘢😚今次拣咗omakase😍辛苦哂男朋友做咗research，呢间喺西环嘅隐世小店原来好多人推介，而且佢可以自己定budget，早几日师傅会打俾你同你倾想食啲咩，师傅就会因应budget提供食物，想食豪啲又得，食平少少又得，悉随专便👍🏻舖仔细细，只系得几张枱，而且佢唔系bar枱，冇得喺面前睇住师傅点整，不过值得一赞嘅系，师傅将食物上枱嘅时候将每样食物都介绍得好清楚，包括食材来源地、特色、处理同烹调方法等等，令我哋边食边长知识👍🏻而另一样嘢想赞嘅系店员非常有礼貌，而且斟茶速度好快，一放低个杯就会帮我加茶🍵好喇戏肉到喇，讲吓食物先！最先嚟嘅系前菜，个造型已经好吸引，有两只炸蟹仔🦀、两片粟米🌽同埋一只萤光鱿鱼🦑师傅话蟹仔系用酒浸到醉咗再炸先可以保存呢个咁完整嘅形态，食落十分脆口，而粟米都好爽甜，男朋友就最钟意萤光鱿鱼，入面有啲汁咇出黎，好鲜甜😋刺身嚟讲有11款，而当中有部份系我哋特别话想食嘅，因为我比较钟意食贝类，所以叫咗赤贝同带子🤣赤贝真系好爽，同平时出去食寿司果只唔自然嘅爽口有少少唔同。而带子系超级鲜味，好满足呀🥰令我印象深刻嘅亦有呢个墨鱼包住海胆，海胆好鲜甜，墨鱼亦都好有
舖仔细细，只系得几张枱，而且佢唔系bar枱，冇得喺面前睇住师傅点整，不过值得一赞嘅系，师傅将食物上枱嘅时候将每样食物都介绍得好清楚，包括食材来源地、特色、处理同烹调方法等等，令我哋边食边长知识👍🏻而另一样嘢想赞嘅系店员非常有礼貌，而且斟茶速度好快，一放低个杯就会帮我加茶🍵
好喇戏肉到喇，讲吓食物先！最先嚟嘅系前菜，个造型已经好吸引，有两只炸蟹仔🦀、两片粟米🌽同埋一只萤光鱿鱼🦑师傅话蟹仔系用酒浸到醉咗再炸先可以保存呢个咁完整嘅形态，食落十分脆口，而粟米都好爽甜，男朋友就最钟意萤光鱿鱼，入面有啲汁咇出黎，好鲜甜😋
刺身嚟讲有11款，而当中有部份系我哋特别话想食嘅，因为我比较钟意食贝类，所以叫咗赤贝同带子🤣赤贝真系好爽，同平时出去食寿司果只唔自然嘅爽口有少少唔同。而带子系超级鲜味，好满足呀🥰
令我印象深刻嘅亦有呢个墨鱼包住海胆，海胆好鲜甜，墨鱼亦都好有胶质，加埋一块紫苏叶，呢三样嘢嘅配搭好正😋隔离嘅拖罗油脂丰富又冇筋，都好好食，不过我就觉得海胆令我惊艳啲😆
当然刺身都唔少得师傅解释完我哋都唔记得佢系咩名嘅鱼😂不过每款鱼类都食得出好新鲜，而且佢特定嘅处理同烹调方法都令鱼类特色更突出😌放几款印象比较深刻嘅出嚟😆
最压轴登场嘅系濑尿虾！😍呢个系佢哋好出名嘅一个菜式，濑尿虾只系仅仅熟，啲膏好似啫喱咁，而且鲜味十足，同我平时食开嘅濑尿虾非常唔同，系呢一餐饭令我印象最深刻嘅一样食物🤤
食完刺身其实已经有少少饱，师傅上咗一个南瓜沙律俾我哋refresh一下，南瓜好甜😚
下一样系清酒煮蚬🍲加上葱粒、辣椒丝同埋蒜片，啲蚬好鲜味，个汤都饮哂😂因为啲蚬本身都有海水咸味，所以个汤都略咸少少。
之后系今餐嘅主菜A4和牛呀！🥩真系冇谂过今餐会有牛食，所以嚟到真系好有惊喜😍牛肉肉味好浓，而且仲有肉汁，配埋个薯蓉，好满足仲要好饱添😂
熟食嘅结尾系海鲜粥，包含哂我哋正话嘅食材啲精华所在，好鲜甜，虽然好饱但都饮清光🤤
因为我生日，最后嘅甜品系两件蛋糕仔，碟上写左Happy Birthday，完满咗我呢一餐🥰
食材新鲜，师傅用心，店员有礼，非常推介大家嚟食，记得要早啲book位🤣
张贴
