里木

营业中

休息中

𠮶日我生日，女朋友带我去里木食铁板烧，呢系我生平第一次食，所以心情特别期待，因为从未食过咁高级嘅日本菜，真系好感激女朋友破费带我嚟试食。因为女朋友有book位，所以唔使排队就可以入座。一入到去餐厅入面好有气氛，橱柜摆满咗红酒同日本酒，环境十分舒适，服务员都好亲切咁招待我哋。我哋点嘅套餐系赘沢铁板烧，套餐入面有好多高级嘅食材提供畀我哋享用，呢度我就唔一一介绍，等大家自己嚟试吓。其中有几款食材系我好钟意嘅，例如澳洲龙虾、法国鹅肝配中皮、南非鲍鱼、鱼汤同埋和牛薄烧。原只龙虾新鲜出炉，好好食，龙虾肉嘅味道好新鲜。南非鲍鱼好似系世界最贵嘅海鲜之一，可以食到世界上最贵的海鲜，真系抵，鲍鱼有好浓厚嘅鲍鱼味，肉质好爽甜。鱼汤饮咗亦都十分清爽，鹅肝真系入口即化，非常细腻丝滑，好正。和牛肉亦都香脆嫩滑，当然其他食材亦都非常好食，成个套餐只需$1480，仲可以食到咁多高级又好食嘅食材，真系非常满意。