影片
更多
2008-02-25
太座生日宴嘅压轴好戏，就响呢度上演...过年前己book定位，跟负责人anita研究一番，决定咗menu。自己算做食过吓所谓嘅私房菜(虽然现在嘅大多已变了质)，但太太嘅私房菜经验不多，所以今年舍弃咗去食tempura，转而一食private kitchen..四款set任君选择。帮太座呢个鹅肝粉丝拣咗个有foie gras食嘅set，自己本来打算叫个平D嘅set(始终主角唔系自己ma)，但望见有foie gras order，又心有不甘，Anita又讲可以加多五十大洋就可以upgrade个餐(加入foie gras及鲜虾浓汤)，把心一横，豪就豪得尽D la...好典型嘅私房菜格局，枱只得四至五张，不过有一间private room可供订座，地方"骨子"，位与位之间算颇松动...先来简单嘅烘法包作warm up，一食便知系来货，无甚特别，不过蒜茸牛油就系home-made嘅，蒜味颇重，太座呢个garlic monster甚乐，最后差唔多成砵搽晒吃过包后就先来杯welcoming drinks，是夜系柠姜特饮。姜味点到即止，酸酸哋，作为开胃小饮系不错嘅选择..."主菜"foie gras随
过年前己book定位，跟负责人anita研究一番，决定咗menu。自己算做食过吓所谓嘅私房菜(虽然现在嘅大多已变了质)，但太太嘅私房菜经验不多，所以今年舍弃咗去食tempura，转而一食private kitchen..
四款set任君选择。帮太座呢个鹅肝粉丝拣咗个有foie gras食嘅set，自己本来打算叫个平D嘅set(始终主角唔系自己ma)，但望见有foie gras order，又心有不甘，Anita又讲可以加多五十大洋就可以upgrade个餐(加入foie gras及鲜虾浓汤)，把心一横，豪就豪得尽D la...
好典型嘅私房菜格局，枱只得四至五张，不过有一间private room可供订座，地方"骨子"，位与位之间算颇松动...
先来简单嘅烘法包作warm up，一食便知系来货，无甚特别，不过蒜茸牛油就系home-made嘅，蒜味颇重，太座呢个garlic monster甚乐，最后差唔多成砵搽晒
吃过包后就先来杯welcoming drinks，是夜系柠姜特饮。姜味点到即止，酸酸哋，作为开胃小饮系不错嘅选择...
"主菜"foie gras随后便到。份量颇足，presentation亦见心思(睇下张相就知，你睇佢几好笑容)，大件之余亦够厚身。做得相当之脆口，但却一点也不㶶，有相当水准，但略嫌不够肥美，冇漏晒油嘅感觉。食落佢哋应该唔系用rougie货色，虽然如此，整体嚟讲都唔算太令人失望...
食完肥肝，再来嘅虾汤又系味浓之作。味相当鲜，颜色黄黄，应该系加咗龙虾头膏去煮，够浓稠，还可以...
正统法式full course menu中间一定有间场小点，通常都系以sorbet为主，酸酸哋醒胃之余又可清清味蕾。当晚食到嘅系pineapple sorbet，味道并不死酸，用新鲜果肉做，不俗...
真正主菜系特制烧鸡及烧银𫚧鱼柳。鸡嘅size比一般春鸡大只，用香料及香草腌制(食到有rosemary香气)，汁味道做得颇甜，肉亦算颇嫩，不过对小弟嚟讲，都系酿系鸡入面嘅蔬菜美味好多...
鱼柳就做得普通，虽然皮做得微脆，但鱼嘅肉质偏淡，亦不够嫩；汁亦调得太酸，失手了...
甜品水准亦系普通--- tiramisu酒味不够；心太软就连街边甜品屋及茶餐厅都有得食，有何特别?
来一杯红茶作结尾，太座吃得极高兴...
最紧要系呢样啫...^0^
张贴
