盛八日式火鍋放題店 (已結業)

今晚朋友同我预祝生日，拣嚟位于旺角嘅「盛八日式火锅」。入座前，喺门口侍应已问定我哋要边款放题同汤底。美国特选牛肩放题 $198/位汤底拣咗麦茶寿喜烧 ( 即甜豉油) 用餐时间90分钟拣好汤底后，侍应按人头俾咗三个胶币我哋，话出嚟换番硬币 (唔明点解唔直接俾硬币?)，可以喺海鲜机到夹海鲜。入座后，侍应会送上豚肉、鸡肉、牛肉 (无限追加)。食材新鲜，鸡肉算滑，牛肉薄薄地好快熟，有牛味有口感 。 最值赞系追加左几次牛肉都好快送到，无拖单同漏单。 而其他火锅配料就自己出去 Bar 枱攞。呢个汤底好特别，未食过，系朋友拣嘅。甜豉油汤底甜甜地，几得意。出面 Bar 枱，基本嘅款式都有: 菜类、丸类、面类。冷盘区热盘区，不过得两款：盐烧三文鱼骨、炸薯角仲有自助软雪糕同甜品。自助饮品区食到咁上下，出去夹下海鲜，睇下有无运气有𩠌加先～一边龙虾仔，一边鲍鱼。好可惜好难夹，无𩠌加。