京笹居酒屋

营业中

休息中

话说已经encore 过呢间餐厅的午市好多次，因为lunch都系 $70，好抵食。居酒屋环境好舒服，可以慢慢坐，就决定生日饭要同男友系度食，果然冇令我地失望！池鱼刺身（$150）刺身系整条上！条鱼唔算好大条，但真系好新鲜，睇只鱼眼就知！刺身切片，拌上葱及少许姜丝，以去除鯹味，刺身味道微甜。赤贝刺身（2只$140）本身锡住男友荷包，唔念住叫，觉得只有两只好唔抵！但男友好想食，咁我就一于奉陪啦！原来好大只架，份量也不少呢！卖相满分！非常精致！赤贝一样好新鲜，味道鲜甜，比平日吃的更爽口，很出色呢！杂锦天妇罗炸皮厚薄适中，个人觉得莲藕、芋头最特别。莲藕薄薄爽脆，感觉清新。芋头好靓，少少粉，充满芋头香。鲜虾就略欠弹牙，而且比较细只。总结觉得呢间餐厅好有心思，食材新鲜，价格可以接受，环境舒适，值得推介！