SLOWLY by da dolce (已結業)

以前试过da dolce嘅Gelato意大利雪糕，今次转转口味试佢嘅蛋糕。其实，除雪糕，da dolce仲有卖甜品、蛋糕，只系卖成$238一磅嘅蛋糕（并非雪糕蛋糕，而系烘焙蛋糕），的确售价感觉有啲偏高。幸而有团购嘅「补贴」，依家$99就买到一磅，不过手续有啲麻烦，必先以团购嘅优惠券亲身去换取da dolce烘焙蛋糕礼券，而订蛋糕又要提早至少5日致电预订，不过，平咗咁多都无所谓啦。睇番佢哋啲款式，比起平时食嚟食去都系𠮶几间连锁饼店嘅出品，有三几款又真系几有新鲜感，例如：红酒无花果慕士蛋糕、香槟热情果慕士蛋糕、绿茶豆腐蛋糕等，既然有朋友生日，就一于试吓新嘢啦。众多款蛋糕中，拣咗款叫Last Dance嘅蛋糕，即系红酒无花果慕士蛋糕，红酒搭无花果，依个配合都真系非常少见，感觉可能几特别。先讲卖相，蛋糕嘅造型虽然只不过系三角形，但比起常见嘅圆形或方形已显出少许心思。其实，净睇蛋糕外观都睇出佢嘅做法唔复杂，底层系海绵蛋糕，中层系无花果慕士，面层系红酒软浆，做法无花巧，但食落味道确实有惊喜。无花果慕士打得细滑，食到浓郁无花果嘅味道，仲带有无花果较独有嘅甜香；配以红酒软浆，淡淡嘅酒香，入口嘅软滑，几