嵯峨野

营业中

休息中

疫情下既生日真系无咩可以做，所以唯有揾间靓靓地既餐厅食返餐好既。之前食过匿间酒店自助餐觉得都唔差，加上会员有七折，所以一早book定位。仲一早同餐厅讲系庆祝生日，查询有无生日蛋糕或者甜品可以加名。佢地可以加50蚊写祝福语，但就唔会安排蛋糕。如果唔加钱就会有个生日纸牌放上甜品度。之前上open rice睇见佢系有自助餐𠮶D蛋糕仔上加生日纸牌，咁都ok。到当日食完成餐，到上埋甜品，甜品又无𠮶个生日快乐既纸牌，所以就问下生日安排𠮶个甜品系咪已经餐𥚃面包咗𠮶个，只系唔记得落纸牌。之后佢帮我查吓就再上返多个甜品加返𠮶纸牌落去。其实唔系贪佢个甜品，系想生日影下相，点知安排有点失望。之前听电话𠮶位话帮我mark底，但原来mark咗都唔睇既。而且当日跟餐𠮶甜品系有雪糕同生果拣，我地就拣咗雪糕。点知佢补返𠮶生日甜品又比几球雪糕我，如果佢有留意我话系生日，咁其实就可以分开一份雪糕，一份生果。其实安排一个自助餐𠮶种细细件蛋糕都唔系好难既事，但酒店就无咁既安排，所以有D失望。讲真佢其他食物不过不失，又唔系差但又唔系好特别咁。叫咗两个铁板烧，一个定食，其中有D食物无影相。