天外天

原来位处于Hotel Icon 28/F 顶楼, 唔怪得叫"天外天", 因为之前中毒事件而得到回赠Coupon, 见期限将至唔好晒左佢。食之前当然要望一望食评推介, 见"红𫊻米糕"好似几特别, 即管叫黎试下环境同景色的确唔错, 如果坐近窗会更好, 服务都算ok, 不断帮你斟茶, 但感觉未够殷勤亲切。向螺汤$198 供两人用, 味道跟平日自家煲的差不多, 但原来精粹在于汤料, 汤味道都算浓, 但难得汤料中既龙眼肉仲带甜, 螺肉切开薄片, 入口都较软同林, 肉粒原来仲好嫩滑, 因为平日煲完既汤料多数都会弃置一边, 但今次我竟然都会欣赏。红𫊻米糕$560 供四人用原来一直想试既糯米蒸蟹系4人份量, 不过一心黎到都系为试呢道菜, 两个人都照食。因为价钱系浮动, 蟹既大小都会唔同, 但呢款已经系最细。饭的确食唔晒, 预左打包, 糯米饭加上蟹羔, 好香, 不过好流, 食少少都已经饱饱地.......但味道咸左少少, 其实以呢个价钱, 我觉得唔太值, 不过份量的确有3-4人。桂花炖雪梨甜中带点桂花味, 不过雪梨煲到无晒味, 所以饮糖水就够了。