更多
2013-08-22
1358 浏览
都好一段时间无去jamjam食lunch, 刚好同事生日, 就决定再去jamjam度叹恴粉同咖啡啦~第一次嚟哩度食饭, 已经爱上咗哩度o既咖啡, 意粉都系出乎意料的好...今日我食o既系香浓蕃茄鲜虾意粉, 意粉质地烟烟unun好有咬口, 蕃茄依家咁香浓, 只系虾略嫌咸咗少少...同事o既长通粉都系软硬恰到好处, 好香滑o既忌帘汁配上奇异果系出奇哋夹, 好新鲜o既感觉...咖啡呢...浅浅咁呷一口...忍唔住微起双眼去享受果阵咖啡味晌口腔内转嚟转去...哩度o既咖啡系绝对唔可以咕噜咕噜咁吞落肚...好浪费...只不过对于我哋一般打工仔嚟讲, $150一个lunch著实系贵咗少少...当然...佢o既品质亦系值回票价...我唔介意间中比多啲钱食一啲有质素o既嘢...但咁o既服务态度...真系希望哩度o既负责人可以睇到哩度o既食评(同服务评价)...其实员工o既服务态度都系好好的, 我真系唔希望下次嚟食嘢o既时候仲要面对好似哩个肥仔员工咁o既态度!!!
刚好同事生日, 就决定再去jamjam度叹恴粉同咖啡啦~
第一次嚟哩度食饭, 已经爱上咗哩度o既咖啡, 意粉都系出乎意料的好...
今日我食o既系香浓蕃茄鲜虾意粉, 意粉质地烟烟unun好有咬口, 蕃茄依家咁香浓, 只系虾略嫌咸咗少少...
同事o既长通粉都系软硬恰到好处, 好香滑o既忌帘汁配上奇异果系出奇哋夹, 好新鲜o既感觉...
咖啡呢...浅浅咁呷一口...忍唔住微起双眼去享受果阵咖啡味晌口腔内转嚟转去...
哩度o既咖啡系绝对唔可以咕噜咕噜咁吞落肚...好浪费...
只不过对于我哋一般打工仔嚟讲, $150一个lunch著实系贵咗少少...
当然...佢o既品质亦系值回票价...我唔介意间中比多啲钱食一啲有质素o既嘢...
但咁o既服务态度...真系希望哩度o既负责人可以睇到哩度o既食评(同服务评价)...
其实员工o既服务态度都系好好的, 我真系唔希望下次嚟食嘢o既时候仲要面对好似哩个肥仔员工咁o既态度!!!
题外话/补充资料:
本来大家都抱住一个好愉快o既心情去食哩餐饭,
但就比收银个肥仔(下唇下边有只耳环物体o既肥仔员工)扫哂兴!!!
话说去到我哋被安排晌二楼, 谂住点埋嘢先上去坐,
肥仔收银只比咗一份menu我哋三个人睇,
谂住节省时间问佢攞多份menu各有各睇,
点知个肥仔不情不愿咁晌佢后面拎多个比我哋时加句"同个板(白板)上面一样"...
我哋已经望吓佢...你(肥仔)背后成叠menu, menu唔系比客人睇要嚟做咩?
跟住点餐时, 我同事问佢A pasta(其中一款pasta个名)系咩嚟,
肥仔就话"咪系A pasta啰, 你自己睇清楚"...
我哋三个你眼望我眼...咩serice嚟o架?
我会觉得你唔识中文可以礼貎啲话你唔识中文, 但唔系咁讲嘢啩...
我哋讲要咩时佢对眼完全无望我哋晌度周围望,
然后我哋讲一样嘢佢就"嗯"一下咁回应...
我一路望住佢, 心谂...究竟佢系咪落紧单o架呢?
真系完全唔觉得自己晌一间餐厅度点紧菜咁啰...
到点好哂嘢, 唔知系咪因为我o既眼神已经出卖咗我...
我见佢望吓我又望吓我比钱个同事,
跟住比返张credit card我同事时就皮笑肉不笑咁"笑住"递返张咭比我同事...
成餐饭...我哋一半时间都晌度讨论果个肥仔员工o既态度...
好老实讲, 嚟哩度食咗无十次都有八次, 哩个肥仔员工系第一次见,
真系晌jamjam哩度从未遇过一个咁o既员工...真系令人印象实在太深刻...
(以上食记乃用户个人意见 , 并不代表OpenRice之观点。)
张贴