蝦棧 (已搬遷) 新店位置

依家旺角警署后面开咗好多食肆CP值都好高，今晚第一次试依间虾栈。好多人赞黑胡椒虾，但我见出面食肆都好多有黑胡椒虾供应，所以叫了奶油虾。奶油虾一窝上共8只，个汁好多洋葱，虾肉爽口弹牙，啲虾好新鲜，不过我略嫌个汁咸咗少少。台式葱油鸡，老板极力推介，佢话一日只做几只卖晒就冇。老板果然冇介绍错，我啲朋友超爱，鸡好滑冇肥膏，咸甜适中。葱抓饼，我最爱依个，有点像印度薄饼，但佢比印度薄饼更香脆味更浓，真系食完想再encore 。雨衣甘蓝，配上杞子清炒，带出雨衣甘蓝特别味道。我个人喜欢熟既雨衣甘蓝，味道好过用作沙律菜。上汤北寄贝，亦是老板推介，北寄贝都几大只，配上上汤，好鲜美。汤都饮晒。黑白墨鱼卷，细细条，入面有白墨鱼及加了墨鱼汁的黑墨鱼，虽然我食唔出黑白有甚么分别，但依个卷真系几好味，热辣辣，墨鱼肉弹牙，出面个卷好脆，总之好味啦南瓜雪糕，水蜜桃雪葩我钟意南瓜雪糕多啲，虽然南瓜味唔够浓，但味道不错。 朋友就钟意水蜜桃雪葩佢地觉得桃好香，但我觉得有点人做桃味唔够天然。