Mr. Steak Buffet à la minute (已搬遷) 新店位置

呢间餐厅食过三次，今次系第四次。唔系特别平不过有信心去过咁多次嘅水准都保持到，预计唔会太差，的确今次都唔会失望。虽然我唔知道呢个价钱应唔应该食得更好？晚市自助餐时段$5xx一位两位连加一就过千，如果系庆祝生日我又觉得冇乜所谓，都算易book位。我最主要都系钟意佢哋一黎甜品款式真系好多好多（一般自助餐晚市都唔会有咁多甜品），二黎又靓，三黎味道又好。不过款式唔算特别，睇你个人要求会唔会好高啦，我觉得佢个心太软做得好好已经值。呢间餐厅最特别嘅地方就系可以写纸仔比厨师帮你写朱古力字，如果你赶住要就最好等大家食饱饱之前就写定纸仔，如果你食饱饱先写纸仔大家就同一个时间争两双手⋯⋯会等得比较耐先有货。🤩🤩🤩🤩🤩🤩🤩🤩另外如果你book位时同佢哋讲系庆祝生日佢哋会熄灯同你唱生日歌，我冇要求呢个服务因为太尴尬，唔知道要唔要加钱。