小男孩 (已結業)

生日朋友同我黎呢度食饭, 一入到间餐厅觉得气氛都几好 我地叫左二人套餐 ($388), 有4个头盘, 4个主菜, 2个汤, 2个甜品同2杯餐饮, 都几丰富架.头盘我最钟意个鹅肝, 入口即溶, 正 , 个焗田螺都几好味, 我好钟意d薯溶,好重牛油味, 个焗生蚝就麻麻地, 好细只.汤我就叫左什菌汤, 朋友就叫左龙虾汤, 我觉得个什菌汤都唔系话好好味姐, 之后试左佢个龙虾汤觉得好味过个什菌汤, 又唔系太咸姐...主菜我就最欣赏个炭烧肉眼扒, 好juicy又好够烧烤味. 仲有个带子天使面都好好味, 好钟意个汁. 反而觉得个墨鱼汁意大利饭麻麻地, 可能因为我地食左其他主菜最后先食佢, 所以d饭冻哂唔好味. 甜品我地叫左心太软同朱古力批, 个心太软焗得几好, 而个朱古力批就冇咩特别.呢度d服务都几好, 成日都过黎帮我地加水, 不过我唔系咁钟意d主菜一次过黎哂, 搅到我地食唔切, d野食就冻哂.后记: 我咁大个女都未识过同我同月同日生既人, 今晚比我见到有人又系6月17日生日, 本来想过去问问, 不过我都系唔够胆, 哈哈...