影片
更多
2014-06-24
3214 浏览
好多年生日都系撞正假日因而可以约齐屋企人一齐去食自助餐庆祝但今年正日系平日，个个都要番工生日饭唔系自助餐……都要拣间好野食既上网揾铜锣湾有咩好去处见到唔少人都黎过食生日饭:^0环境其实不错，当晚坐窗口位，有街景望:^)坐位好阔落（坐位数唔多，分隔得够开），坐得舒服室温又刚刚好，唔会话冻到想食完即逃咁仲要有烛台，好有情调咁XDDD（次次见到烛台都突然好兴奋XDDD蒜蓉包蒜蓉味好香，真系未食已闻到烤焗后呈金黄，唔会话太㶶，但佢系有焦香味既外层香脆，牛油味重，不过够干爽唔会成口成手油咁若果有蒜蓉碎就仲正仲香（重点系唔可以有辣味呛味如果话有咩要改进既话……可能系可以俾客人拣餐包？因为唔系个个中意蒜味，而且系第一样上既野，个impression都几重要既鱼汤煮美国蚬睇个样好似好足料咁㖞蚬既份量都多，同埋系开哂口既:^)未食蚬之前先饮头啖汤（喂XD鱼汤味浓，但好鲜甜，并无腻感蚬肉原来系几大，唔系话得个壳大咁:^0冇沙唔再讲，佢冇腥味，感觉新鲜除左蚬仲有d菇既，菇唔会苦，仲有淡淡香味慢煮三文鱼配鱼子酱荷兰汁个卖相几得意XDD，唔知点解有种行星feel XDDD呢道前菜其实感觉有点重，因为佢混合左好多
因而可以约齐屋企人一齐去食自助餐庆祝
但今年正日系平日，个个都要番工
生日饭唔系自助餐……都要拣间好野食既
上网揾铜锣湾有咩好去处
见到唔少人都黎过食生日饭:^0
环境其实不错，当晚坐窗口位，有街景望:^)坐位好阔落（坐位数唔多，分隔得够开），坐得舒服
室温又刚刚好，唔会话冻到想食完即逃咁
仲要有烛台，好有情调咁XDDD
（次次见到烛台都突然好兴奋XDDD
蒜蓉包蒜蓉味好香，真系未食已闻到
烤焗后呈金黄，唔会话太㶶，但佢系有焦香味既
外层香脆，牛油味重，不过够干爽唔会成口成手油咁
若果有蒜蓉碎就仲正仲香（重点系唔可以有辣味呛味
如果话有咩要改进既话……可能系可以俾客人拣餐包？
因为唔系个个中意蒜味，而且系第一样上既野，个impression都几重要既
鱼汤煮美国蚬睇个样好似好足料咁㖞
蚬既份量都多，同埋系开哂口既:^)
未食蚬之前先饮头啖汤（喂XD
鱼汤味浓，但好鲜甜，并无腻感
蚬肉原来系几大，唔系话得个壳大咁:^0
冇沙唔再讲，佢冇腥味，感觉新鲜
除左蚬仲有d菇既，菇唔会苦，仲有淡淡香味
慢煮三文鱼配鱼子酱荷兰汁个卖相几得意XDD，唔知点解有种行星feel XDDD
呢道前菜其实感觉有点重，因为佢混合左好多种香味，整个感觉系会好rich既
首先佢鱼子酱既味道好concentrated，爆开果下好重鲜味（唔系腥
海胆几新鲜，唔会有苦味腥味，鲜甜可口
重点来了，我最爱的三文鱼:^DDDDDDD
慢煮既方法令三文鱼中心仲可以保持鲜嫩有弹性
三文鱼味道好鲜，冇雪藏味同腥味，鱼油几丰富
但正正系因为鱼油浓郁，配上荷兰汁或者有点Heavy了
荷兰汁本身牛油味好浓好突出，只有少少酸味令佢冇咁腻
所以我觉得呢道作为前菜似乎有点浓味了
虽然味道配搭系可以既，但好易会觉得腻，系前菜部分就有腻感……呢点可以改善
黑松露忌廉汤松露香味十分浓郁，基本上系未入口已经感受到
香而不腻，仲要菇菌打碎入汤，感觉到有碎粒好足料
我觉得黑松露既份量都够既，因为佢始终系香气浓厚，加太多反而会太浓烈
忌廉汤底几creamy，不过唔算好腻既:^)
龙虾汤鲜甜味美
拿说实话佢唔系有龙虾肉系入面既
只系佢鲜甜得黎系好自然，唔系话落糖就造得出既效果，系会连带埋香气既
浓稠度刚好，唔会太厚（味道甜既话惊佢会腻
卖相都不错，仲有画花咁:^)
烧西班牙黑毛猪柳配力矫汁本身冇谂过原来有咁多配菜XDD，仲要摆盘几整齐
先尝猪柳，有微焦香气
肉质弹牙有嚼劲，但又唔系好老好柴好韧，保留到有肉汁同油香
肉味非常突出，越嚼越香，唔系只靠调味
同埋佢系厚身既，不过够熟够热，煮得好均匀
酱汁咸度够，稀稠适中，刚好可以coat住食材
一旁既配菜清新解腻，食一大块猪柳一定要清清佢
黑松露面包蟹意大利饭感觉好用心，佢将蟹膏蟹肉拆哂出黎煮risotto
risotto够哂鲜味，味道偏甜，但系佢系好自然，唔会食到灌水冲淡既地步
香气十足，够味之余唔会太腻
饭粒粒粒分明，米香好重，有点咬口
个人认为唔使加黑松露已经几好
因为黑松露又有另一种香气，浓香但不浊
如果mix埋系好多层次，但同时会有点混乱
朱古力芭菲朱古力味浓郁，甜中带苦，大大减低腻感
mousse香滑嫩身，加上干身既饼碎有质感上既contrast
再加多少少水果既微酸似乎会更解腻^)
草莓吉士千层酥之前订枱时有提到系生日饭
上甜品既时候有点蜡烛及写字:^)
仲播埋生日歌，负责人又黎讲生日快乐:^)
感觉几亲切
讲番甜品
卖相几特别，层层叠起，胜在佢唔会好易塌
草莓新鲜清甜，冇咩酸味:^0
吉士是creamy的，好滑，同草莓好夹
千层酥既部分味道较淡，薄身又够脆，而且系干身既
配上吉士同草莓既甜味，整体唔会过甜过腻:^)
服务方面，我个人已经系满意
其实我要求唔高，真系够舒服，食得自在唔会俾人赶俾人望实就OK
上食物果阵佢地真系会讲解一下用料同煮法，可见对出品系好有认识既
不时又加水又睇进度上菜
最后仲会问埋有冇咩意见同埋可以点改进
讲真我觉得最紧要系佢地有心做好，唔系话求其揾人写下D正评夸下佢就算
佢地问果阵我都唔知点答好XDDDD，因为我觉得已经不错
题外话/补充资料：
可能食生日饭好似好重要既Event咁（仲要唔系随便食……
加上餐厅负责人似乎都会上网睇番评价
因此呢篇我算系打好多字了吧xdddd，比平日打既更加认真架啦xdddd
(以上食记乃用户个人意见 , 并不代表OpenRice之观点。)
张贴
