泰灜

营业中

休息中

又系一年一度姊妹约我生日饭嘅时候喇，今次拣咗泰国菜，个地理位置都唔算难揾，我呢啲路痴都可以去到，今次真系饱到不得了，三个人嗌咗五个𩠌，先来个泰式生虾，跟住再嚟个泰式猪肉生菜包，我唔系好食得辣嚟讲觉得个生菜包有啲辣，不过好快我就适应咗啦，一啖生菜包一啖纯芒果打嘅沙冰咩辣都唔记得啦！最想食𠮶个面包咖喱软壳蟹嚟啦！虽然软壳蟹冇乜特别，但𠮶个面包吸晒啲咖喱汁真系好好食啊！下次必定encore。见到隔篱枱只火焰烧春鸡，我哋又跟住嗌先，不过要等20至25分钟㖞！啲鸡肉真系好嫩滑好juice，我呢啲牛魔王点可能唔食牛啊？？再嚟多个街边烧牛肉，如果啲牛肉可以烧生啲就更加好啦！已经饱到不行了，鉴于系我好姊妹同我补足生日，点少得芒果糯米饭砌成嘅生日蛋糕啊！点都要俾面食🥳🥳，总括嚟讲大满足大满足大满足，下次一定会再去帮衬。