影片
更多
2024-11-02
853 浏览
星期五老公生日，决定同佢食返餐好，他一向喜欢吃日本嘢，决定book公司附近圆方呢间日式料理，订枱时职员告知餐厅嘅开放时间为星期一至五，good fit。入面嘅装修富日式且举时尚感，我哋两个人坐咗一张阔落嘅四人梳化位，舒适得来空间感十足。见佢晚市做紧$588二人套餐，一于试吓。小食（六选一）脆炸单骨鸡翼配辛子明太子酱单骨鸡翼炸得脆口，入面肉质仍然保持到鲜嫩，点埋明太子酱，开胃之选。烧物（四选二）烧明太子意瓜串翠玉瓜上面布满明太子酱，咬落口有明太子嘅Creamy，又有翠玉瓜嘅爽脆，呢个配搭唔错。烧牛舌串 （+$18）日式料理嘅水准，好多时可以反映喺佢哋嘅烧物上面，烧牛舌串外面脆，咬落肉质香嫩得来软身Juicy. 主菜（八选一）严选刺身盛，配野菜乌冬（+$98）庆生食日本嘢，点少得刺身。刺身嘅质素亦可以直接反映餐厅嘅水准，刺身盛包括有：三文鱼、吞拿鱼、油甘鱼、牡丹虾及帆立贝，全部厚切得嚟够新鲜，帆立贝绝对系我哋至爱，大粒得来够鲜嫩；再配埋野菜乌冬一齐食，乌冬弹牙，野菜及汤底鲜甜。寿司塔可（五选二）寿司塔可算系餐厅比较特色之选，我哋分别点咗辣味三文鱼寿司塔可及海胆寿司塔可🌮, 以taco及寿司
入面嘅装修富日式且举时尚感，我哋两个人坐咗一张阔落嘅四人梳化位，舒适得来空间感十足。见佢晚市做紧$588二人套餐，一于试吓。
小食（六选一）
脆炸单骨鸡翼配辛子明太子酱
单骨鸡翼炸得脆口，入面肉质仍然保持到鲜嫩，点埋明太子酱，开胃之选。
烧物（四选二）
烧明太子意瓜串
翠玉瓜上面布满明太子酱，咬落口有明太子嘅Creamy，又有翠玉瓜嘅爽脆，呢个配搭唔错。
烧牛舌串 （+$18）
日式料理嘅水准，好多时可以反映喺佢哋嘅烧物上面，烧牛舌串外面脆，咬落肉质香嫩得来软身Juicy.
主菜（八选一）
严选刺身盛，配野菜乌冬（+$98）
庆生食日本嘢，点少得刺身。刺身嘅质素亦可以直接反映餐厅嘅水准，刺身盛包括有：三文鱼、吞拿鱼、油甘鱼、牡丹虾及帆立贝，全部厚切得嚟够新鲜，帆立贝绝对系我哋至爱，大粒得来够鲜嫩；再配埋野菜乌冬一齐食，乌冬弹牙，野菜及汤底鲜甜。
寿司塔可（五选二）
寿司塔可算系餐厅比较特色之选，我哋分别点咗辣味三文鱼寿司塔可及海胆寿司塔可🌮, 以taco及寿司嘅概念，出面热天妇罗包住寿司及满满嘅馅料，外层爽脆，内层材料新鲜，口感层次丰富。见系老公生日，特意加$88试海胆寿司taco，海胆系新鲜嘅，无令我哋失望。
松叶蟹肉海鲜茶碗蒸（追加$48）
既然食得日本嘢，试埋佢嘅松叶蟹肉。丝丝嘅蟹肉，配上嫩滑嘅炖蛋，一碗天然无添加嘅茶碗蒸绝对系舒缓味觉嘅良方。
甜品（五选一）
本身我钟意抹茶，老公钟意食提拉米苏，自然拣咗抹茶提拉米苏盒子配糖渍红豆。抹茶提拉米苏入面有香绵嘅红豆，啖啖丝滑。
特饮：香桃富士梳打（+$38）
杯嘅上面以苹果片及薰衣草作装饰，香桃梳打颜色有少少似香槟，饮落非常清新，亦不失美感。
鲜奶咖啡（+$18）
总括而言，座位环境舒适，服务员有礼貌，菜式有创意，食材亦够新鲜，整个体验良好，老公表示满意呢餐生日饭。
张贴
