火鍋煮場 (已結業)

早2日上open rice睇下有咩生日优惠，见到哩间火锅店生日送刺身，咁正，更系即刻订枱！由地铁站行过嚟都系两条街唔系好远啫，入到来见到 周围都好干净企理， 仲有个鱼缸， 感觉唔错！一坐底侍应已经问系唔系有人生日，因为订枱嘅时候已经讲明，仲讲笑叫我地预备相机食先，第一次来D服务都咁亲切，好开心！首先点咗个汤底蕃茄海鲜蟹锅， 上枱嘅时候原来啲海鲜系另外上，蕃茄汤底啲颜色好靓好多蕃茄，再饮啖汤好浓嘅番茄味好香甜，跟住叫咗牛颈脊， 好淋，好有牛肉味，再叫左花竹虾，好大只，好甜，虾头仲有膏，其他配料有手打虾丸，全部都系虾肉，无粉，好弹牙，墨鱼丸好爽口，超正，豆腐，牛柏叶，鹅肠，好肥美，脆炸午餐肉，真系外脆内软……真系食到停唔到口。几个女仔又饮又食坐足成晚，最紧要系无限时，唔会赶你走。