影片
更多
2022-02-10
3213 浏览
生日当然唔可以刻薄自己，特别系已经好耐无返 “乡下”，紧系要用食去弥补下啦，所以今日就拣左位于湾仔君悦酒店既日本餐黎庆祝下🎉!一打开餐牌，果然系五星级酒店既价钱，不过话到明系庆祝所以唔好理价钱，最紧要好食同食得开心🥳。餐牌上面有好多种唔同嘅set，然后客人就可以搭配佢想要嘅前菜。第一份嚟嘅就系呢款南瓜，好香，系一款唔错几开胃菜。黎到主餐，我哋就叫咗一个杂锦寿司🍣+腐皮乌冬。有五款寿司➕卷物。不过卷物嚟到嘅时候，紫菜已经淋晒，如果唔系见到寿司师傅喺面前整，会以为佢摆咗好耐。😅杂锦寿司就有虾，深海池鱼等等。其实以为呢个价钱会有拖罗，但系点知都系无。不过唔紧要，起码鱼生系新鲜。其他配菜就唔错，水准之上。我哋仲叫咗另一份A3和牛厚切配白饭。好可惜，和牛嚟到嘅时候已经唔热，虽然油分好够，入口即融，但系少咗𠮶种啱啱烧起上嚟嘅香味。甜品就有雪糕，应该系普通嘅Haagan Daaz。不过佢哋就好贴心，生日就送咗一个细既生日蛋糕!!总括嚟讲，呢个价钱其实食物既水准可以再高啲。服务好好👍🏻，所有人都好亲切。装修都好靓，好有一间豪华怀石料理既装潢。我会觉得环境比食物更好! 如果大家想去一间豪华嘅日本料理，呢
一打开餐牌，果然系五星级酒店既价钱，不过话到明系庆祝所以唔好理价钱，最紧要好食同食得开心🥳。餐牌上面有好多种唔同嘅set，然后客人就可以搭配佢想要嘅前菜。
第一份嚟嘅就系呢款南瓜，好香，系一款唔错几开胃菜。
黎到主餐，我哋就叫咗一个杂锦寿司🍣+腐皮乌冬。有五款寿司➕卷物。不过卷物嚟到嘅时候，紫菜已经淋晒，如果唔系见到寿司师傅喺面前整，会以为佢摆咗好耐。😅
杂锦寿司就有虾，深海池鱼等等。其实以为呢个价钱会有拖罗，但系点知都系无。不过唔紧要，起码鱼生系新鲜。其他配菜就唔错，水准之上。
我哋仲叫咗另一份A3和牛厚切配白饭。好可惜，和牛嚟到嘅时候已经唔热，虽然油分好够，入口即融，但系少咗𠮶种啱啱烧起上嚟嘅香味。
甜品就有雪糕，应该系普通嘅Haagan Daaz。
不过佢哋就好贴心，生日就送咗一个细既生日蛋糕!!
总括嚟讲，呢个价钱其实食物既水准可以再高啲。服务好好👍🏻，所有人都好亲切。装修都好靓，好有一间豪华怀石料理既装潢。我会觉得环境比食物更好!
如果大家想去一间豪华嘅日本料理，呢个绝对系一个好选择。但系如果想食比较高档嘅食物质素，用呢个价钱其实可以试吓其他Omakase!
张贴
