燒肉臻 (已結業)

六月真系好多朋友生日啊🎂六个人去食生日饭，朋友揾咗呢间日式烧肉店🔥🔥🇯🇵大部份食材都新鲜👍🏻但系和牛嘅颜色唔太够鲜红，少少瘀😓比较简单嘅食材都系自己烧嘅，难道高少少嘅侍应会先攞出嚟俾你影相，然后拎返入去厨房𠮶度烧，烧白鳝、日本鱿鱼同埋明太子就系咁样做嘅，师傅烧得好好，尤其是白鳝真系一流😋😋😋另外竟然有厚扬，系一个炸豆腐咁嘅物体，个面就好似腐皮咁样，要细火烧到金黄色少少啡啡地就得，好有豆香😎之前喺日本食过一次好好味，第一次喺香港嘅烧肉店遇见，点咗三碟，每人一件，赞👍🏻👍🏻免咗生日蛋糕切饼费🩷唯一美中不足嘅就系最尾，侍应执完枱，但系冇抹枱嘅情况底下就攞咗个蛋糕出嚟，我哋叫佢可唔可以抹吓张枱先？因为烧嘢食真系好污糟，侍应姐姐竟然叫我哋攞佢哋摆喺个木桶入边𠮶啲湿纸巾自己抹下张枱，当下我哋唯有照做啦，真系唔明白点解佢唔叫第二个侍应过嚟帮手，竟然会叫啲客人自己抹枱😅😅虽然佢态度好亲切笑住咁讲😅😅