Tomacado 花廚

营业中

休息中

为左庆祝生日，所以book咗餐厅食饭。今日系闲日嘅晏昼，所以又唔算多人。舖头一入去就系一个花店，已经充满好多花，行多两步就会见到每张枱都有花做摆设，装修好靓，好多细节位，华丽但唔浮夸，好适合影相😍😍😍 （入到去都觉自己系公主）座位方面比较大张舒服，最钟意系佢有圆枱同卡位设计，人多人少都啱🫶嘢食方面超级适合打卡！影相！味道方面亦都唔错，佢系多国菜，所以菜式比较多元化。我哋六个人嗌咗个四人餐，然后再加几度主菜，首先嗌咗两款唔同嘅汤（蘑菇汤同蕃茄牛肉汤），我试咗蕃茄牛肉汤都算几好饮，然后前菜嗌咗牛肉塔，时蔬，南瓜沙律同埋带子南瓜沙律。的确几好食~ 佢嘅南瓜系特别甜，牛肉塔都几好，但系因为四人餐，所以所有嘢都系得四份。主菜方面我觉得鸡肉的确几好食，我哋额外再嗌咗个牛扒，牛扒份量唔算好多，每人都有一件咁上下，Pizza都好食，系脆既皮底。由于庆生，所以枱面有一个鲜花写住Happy birthday，甜品方面佢哋会有架车放生日嘅小蛋糕以及生日头箍，好适合大家戴上头箍一齐打卡。店员都好识做，又会教我哋点样影相，又帮我哋分食物。大推！少女心满满！