和三昧

营业中

休息中

生日去和三昧食铁板烧，以前爸爸最钟意嚟呢度食铁板烧，爸爸已经不在了，和三昧仍然屹立不倒，我对佢亦有一定的情意结。我哋三个人，叫咗一个二人龙虾套餐（$2160），一个一人南非鲍鱼餐（$700）师傅起咗啲肉，龙虾壳攞去煮汤。龙虾肉超弹牙新鲜，一只龙虾每人都可以分到2-3旧。银鳕鱼煎得好香口，鲍鱼唔使讲，超级新鲜，煮𠮶阵只鲍鱼仲喺度郁吓郁吓。清酒煮蚬好香酒味，厨师喺你面前点火，热辣辣好好食。牛肉薄烧比厚烧好味。之后啲炒饭炒杂菜普普通通，其实已经好饱都唔系好食得落。食完之后佢会带你去另一个area 食甜品同饮嘢，好舒服。虽然买单三千几蚊，我觉得好值，因为好好味，service好好