影片
更多
2013-02-25
189 浏览
呢日我地去完海洋公园成日，玩到攰攰又冇乜点食野，所以一来到坐低就即刻睇Menu食Ｄ乜饮Ｄ乜啦，亦都好快地就拣到想食嘅野喇。主要系拣我最爱之沙律，小食、友人钟意的意粉，再来多个餐汤啦。① 冻柠茶(Ice Lemon Tea)无限添饮 $38② 意大利甜酒配意式饼干(Biscotti Vin Santo) $48③ 羊奶芝士蔬菜沙律(Warm Vwgetable and Goats Cheese) $108④ 焗蘑菇(Baked Mushrooms) $72 ⑤ 是日餐汤—蕃茄浓汤(Soup Tomato) $50⑥ 意式野菌螺丝粉(Fusilli ai Funghi) $110 Subtotal: $426 + 10% Service Charge= $468.6最快来的都系饮品架喇，友钟意饮＜冻柠茶＞，又知佢系无限添饮㖞，即时唔再谂要饮佢啦，我都有试饮过，少少甜柠茶味算重喇，有３片厚柠檬，呢知价钱都好抵喇。到我的＜意大利甜酒配意式饼干＞，我呢个甜酒通常系用白葡萄酿制嘅，酒精含量约17%左右，入口因为几甜所以17%浓度对我就唔多觉，系意大利呢种甜酒通常都系配Biscotti同食，我就觉
主要系拣我最爱之沙律，小食、友人钟意的意粉，再来多个餐汤啦。
① 冻柠茶(Ice Lemon Tea)无限添饮 $38
② 意大利甜酒配意式饼干(Biscotti Vin Santo) $48
③ 羊奶芝士蔬菜沙律(Warm Vwgetable and Goats Cheese) $108
④ 焗蘑菇(Baked Mushrooms) $72
⑤ 是日餐汤—蕃茄浓汤(Soup Tomato) $50
⑥ 意式野菌螺丝粉(Fusilli ai Funghi) $110
Subtotal: $426 + 10% Service Charge= $468.6
最快来的都系饮品架喇，友钟意饮＜冻柠茶＞，又知佢系无限添饮㖞，即时唔再谂要饮佢啦，我都有试饮过，少少甜柠茶味算重喇，有３片厚柠檬，呢知价钱都好抵喇。
到我的＜意大利甜酒配意式饼干＞，我呢个甜酒通常系用白葡萄酿制嘅，酒精含量约17%左右，入口因为几甜所以17%浓度对我就唔多觉，系意大利呢种甜酒通常都系配Biscotti同食，我就觉得几好饮，以往食Biscotti都系跟Espresso嘅，今次系点Vin Santo食，原来都几好食㖞。
之后到我要的＜羊奶芝士蔬菜沙律＞，呢个沙律份量真系好鼎盛又砌得靓靓，碟边有几件配烤面包条，烟烟韧韧好食，而材料有羊奶芝士、车厘茄、 烤洋蓟、蒜蓉茄子、意大利扁豆、灯笼椒、青瓜、薄荷叶、罗勒配蜜糖红酒醋沙律汁。呢个沙律汁酸酸甜甜几开胃好味；羊奶芝士都几多，又系好味；而其他生的蔬菜又好新鲜，正；另外烤过的灯笼椒、洋蓟、茄子唔会过熟而过淋，又系Good！
其实本身我系唔食咩嘅，但曾经系北海道饮过羊奶觉得几好饮，又系前年去土耳其食过羊奶芝士就钟意左，令我时不时都会挂住佢，不过我仍唔食羊架，只会食羊奶芝士而已啫。
到又系我点的＜焗蘑菇＞，酿蘑菇的馅料有两款，一款黑色的酿了水牛芝士及白汁烤焗，另一款白色的则酿了混酱(马苏里拉芝士+香草酱+羊奶芝士酱)，配上两款酱汁为Genovese香草汁及蕃茄酱，两款均用橄榄油开均和，香草汁几香略嫌油份多了，我会钟意蕃茄酱多Ｄ，够蕃茄味又唔酸。
蘑菇细小，先食黑色酿入Mozzarella芝士的，系几香嘅，不过食一只已经觉得好腻喇，反观酿了混酱的白色蘑菇虽然味道同样浓郁，不过可能有香草酱故比较清新冇咁腻，好食Ｄ。
而侧边配上的烤面包条又唔似沙律配上果款㖞，呢个有香草味，点Genovese香草汁或蕃茄酱都好食。
之后先来＜蕃茄浓汤＞，因为呢个系后加嘅，所以咁迟先上枱，今次配上的烤面包条则同配沙律的一样，冇香草，点汤同食就好喇，当我地"疋"起一羹已经觉得好杰，放入口的质感好似食紧茄酱，真系好浓郁，浓到好似食紧茄膏咁，好劲，配面包就一流啰。
等了又等，食住枱面食物已感饱饱地，但都要再等15分钟，＜意式野菌螺丝粉＞先到。睇落螺丝粉好杰，闻到野菌和松露的香味，材料好简单，只有螺丝粉同野菌，杰杰的蘑菇汁均匀的布满螺丝粉，面有松露菌油，螺丝粉弹牙唔淋，的确几好味，以为份量唔多，原来食落你就知饱喇，下次可以再encore噃。
最后我地要用个半小时先可以ＫＯ哂所有食物，饱到不得了，好满足。
张贴
