仙后餐廳 (已結業)

星期六同老公去湾仔仙后餐厅食生日lunch，想食呢间好耐啦。今次食既系Restaurant Week既menu，$248+1。餐前面包有两款，一种系健康包，另一种系软熟嘅餐包，仲可以refill。凯撒沙律，慢煮鸡，银鱼柳，脆包粒沙律菜新鲜爽脆，鸡肉嫩滑，唔错。是拉差扒大虾，红辣椒芒果莎莎，芫荽味道辣辣地，大虾同芒果一齐食多左甜嘅味道，好食。是日餐汤系南瓜汤，好饮。香焗面豉三文鱼，三味茴香，孜然籽，叼草油三文鱼非常嫩滑。香煎脆鸡腿，油封香橙苦白菜，露丝玛莉马铃薯以鸡腿卷嘅形式呈上，鸡肉唔鞋。黑糖黄豆粉雪糕，烩士多啤梨，焙茶奶油酱黄豆粉雪糕几特别，有一层好似系芝麻糕嘅嘢，下面有士多啤梨粒，配以焙茶酱。山核桃香蕉蛋糕，桂花，零陵香豆雪糕生日可以写生日字句，外面有一层脆脆地嘅合桃朱古力脆皮，入面包住绵绵既香蕉，几好食。