佳記甜品 (已搬遷) 新店位置

终于食到B仔凉粉! 人人都话黎元朗一定要食B仔，虽然近年都听到d人话觉得呢间野嘅野食言过其实，不过都系想试下! 元朗呢间B仔比我想像中大好多，入面有好多位，虽然星期六嘅下午都有好多人，不过好彩唔使等位。 黎得紧系要叫碗B仔凉粉试下啦。开头见到81蚊都吓一吓，但睇番佢个size又真系好大碗下，最好系同班friend黎share，一个人食真系会太多。呢碗B仔凉粉堆满左啫喱、蒟蒻同埋各式各样嘅水果，包括桃、西瓜、哈蜜瓜、蜜瓜、菠萝、龙眼、荔枝、香蕉、木瓜、奇异果，而凉粉就沉左底，要食左面嘅生果先会食到凉粉，仲有一碗椰汁可以按自己喜好加入。其实成个感觉就好似食紧杂果宴，感觉系几健康，但凉粉就好似变左配角咁。 另外仲叫左肠粉，正常味道，无话特别好食/唔好食。