影片
更多
2018-04-27
1830 浏览
小弟一向都喜欢食、又喜欢做甜品，甜品做得叻就肯定无我份，不过，搞咗咁多年，都知道做唔同甜品有唔同出窍门，尤其揾生果做甜品，就特别麻烦，因为易出水。最近，睇到食友嘅食评，大赞「Lifetastic」嘅「草莓西瓜蛋糕」，搞到有啲心郁郁想试，故此，是晚拉埋表姨甥女一访「Lifetastic」。港岛西延线几个站，以「香港大学」站最少嚟，而餐厅就位处地铁站对面，非常方便。未走入店内，从外已睇到餐厅楼底高，铺面喺落地大玻璃，更增强整体空间感。餐厅走欧洲风轻松咖啡店形式，木枱、木椅，一面墙上画上一大张插画彩绘，趣致嘅动物，缤纷嘅色彩，为餐厅注入更轻松悠闲嘅气氛。此外，墙上有不少摆设，都喺精心营造，睇得出花咗唔少心思，就好似餐厅尾嘅「数字」钟，啲数字乱中有序。而最欣赏喺餐厅唔同角落都摆咗唔少植物，让人感觉更有生气。讲咁耐，究竟「Lifetastic」点解？墙画上就为大家解开店名之谜。你认同吗？小弟就好认同喇，喜乐喺可以晌每一天都会揾到。散点餐牌粉红底配红字，加上字粒颇细，可能大家都睇得唔太清楚，但尽管都贴出嚟俾大家参考。细看一回，虽然店铺细细，选择甚多，尤其茶饮及咖啡类。仲有见到个特饮推广餐牌，有冻有
港岛西延线几个站，以「香港大学」站最少嚟，而餐厅就位处地铁站对面，非常方便。未走入店内，从外已睇到餐厅楼底高，铺面喺落地大玻璃，更增强整体空间感。
餐厅走欧洲风轻松咖啡店形式，木枱、木椅，一面墙上画上一大张插画彩绘，趣致嘅动物，缤纷嘅色彩，为餐厅注入更轻松悠闲嘅气氛。
此外，墙上有不少摆设，都喺精心营造，睇得出花咗唔少心思，就好似餐厅尾嘅「数字」钟，啲数字乱中有序。而最欣赏喺餐厅唔同角落都摆咗唔少植物，让人感觉更有生气。
讲咁耐，究竟「Lifetastic」点解？墙画上就为大家解开店名之谜。你认同吗？小弟就好认同喇，喜乐喺可以晌每一天都会揾到。
散点餐牌粉红底配红字，加上字粒颇细，可能大家都睇得唔太清楚，但尽管都贴出嚟俾大家参考。细看一回，虽然店铺细细，选择甚多，尤其茶饮及咖啡类。
仲有见到个特饮推广餐牌，有冻有热，列明由咩食材组合，虽然无试，但单睇个卖相及成份配搭，非常有新鲜感。
懒人包就梗喺瞄向套餐，有单人及双人套餐。先介绍个单人餐，包田园沙律或是日餐汤，再视乎拣咩主菜嚟定价，由$148-$178，并奉送一客是日甜品及基本餐饮一杯，但甜品兴餐饮都可以额外加钱转款，变得弹性大啲。
至于个双人餐Set ABC，玩法就有啲唔同，分3个价钱：$338、$378、$428，分别在于拣多少道小食、主菜及甜点，同样奉送沙律或是日餐汤、甜品及餐饮。我哋好想试多佢哋少少甜品，又计过度过，Set C（$428）嘅套餐就最心水，包两道前菜、两道小食、两客甜品。不过，事后发觉出意外，所有菜式嘅份量都比预期多，个餐3个人食都够，幸而小弟无辜负包底王之名，清得晒所有嘢而无浪费。
田园沙律计错数，醒唔起前菜拣咗一道沙律，好应该两客都拣餐汤，都喺贪样样都想试嘅心态。个田园沙律只喺简单淋上油醋，唔算有咩特别，喺基本啲嘅出品。
蕃茄浓汤鲜橙色嘅浓汤，睇起嚟就较吸引，入口蕃茄味鲜活香浓，味道自然带微酸，质感浓稠而幼滑，让人食完有份开胃感。
小食类有5款选择，有迷你薄饼、鸡锤、沙律……等等，选上无咁饱肚嘅两款，包括酿鸡翼及沙律。
蘑菇芝士酿有机鸡翼鸡翼卖相涨卜卜，咬一口，因为已去晒主骨，所以，食得份外过瘾，而鸡翼内酿满芝士，极为香浓，啲鸡肉亦十分嫩滑，但蘑菇就唔多觉。
蘑菇芝士酿有机鸡翼
15 浏览
0 赞好
0 留言
鱼子酱蟹肉牛油果沙律谂住只喺小食一道，但份量绝不小觑，最大亮点，就肯定喺沙律菜面嘅牛油果及蟹肉，前者切片砌成花，入口如牛油般柔滑，而后者份量十足，唔会一两啖就无晒，至于啲鱼子酱就增加卖相靓仔啲，提升道沙律嘅矜贵度。初时仲以为又喺淋上油醋，食多两口，就发觉喺柚子醋，柚子味甚突出，极欣赏呢道沙律。
鱼子酱蟹肉牛油果沙律
36 浏览
0 赞好
0 留言
主菜方面，则同样有5款选择，但主要都喺啲意大利面或意大利饭类，唔喺太大鱼大肉嘅扒类。我哋一人挑选一道菜，表姨甥女就钟情明太子，小弟就一向喺意大利饭嘅「死粉」。
樱花虾明太子蟹肉意粉上文都讲过佢哋嘅份量十足，碟意粉真喺埋到成座小山咁，周边更洒上唔少樱花虾嚟增强口感；而意粉内，除有少少菇菌粒之外，仲混入唔少明太子及芝士，因为，食落有阵阵咸香辣劲，味道突出；另一方面，意粉都煮得够咬口，唯一挑剔，就喺个意粉比较干，入口有点点黏。
意大利牛肝菌杂菇意大利饭配日本带子甫上枱，已隐若传嚟阵阵芝士香，饭粒显得够湿润，入口口感对办，无一种好生米嘅感觉，却甚咬口，饭粒更被香浓嘅忌廉汁底包围住，而饭内有好多菌粒，但菌香就无预期咁强；煎得金黄嘅带子，果然喺日本嘅刺身级，质感柔绵而弹牙，煎得甘香，正呀！后话，由于先嚟道咸香嘅意大利粉，之后先食个意大利饭，虽然，中间有以清水清清味蕾，但相信对道饭品确喺有些微影响。
意大利牛肝菌杂菇意大利饭配日本带子
21 浏览
0 赞好
0 留言
甜品，一样喺有5款选择，其中镇店招牌嘅草莓西瓜蛋糕就需加钱。
海盐焦糖蛋糕原餐牌喺盐味苹果焦糖蛋糕，但是夜就改为只供应海盐焦糖蛋糕，但小弟对呢件焦糖蛋糕一样好满意。卖相精简，用几粒石榴子衬托一下，而蛋糕层次清晰，足有6层唔同嘅食材，包括杏低饼干底、焦糖牛油、咖啡蛋糕、朱古力软浆、焦糖慕丝，入口味道丰富有层次，浓香不腻，确喺心机之作。
海盐焦糖蛋糕
16 浏览
0 赞好
0 留言
其实有少少唔明白，晌散点餐牌上，啲蛋糕定价为$48-$52件，就算款招牌草莓西瓜蛋糕每件都喺卖$58，两者相差最多都喺$10，但套餐如拣草莓西瓜蛋糕就需额外加$20，可以讲唔喺一条算术题。
讲到件蛋糕，卒之轮到主角瑰丽出场，皆因蛋糕面撒满幽香嘅食用玫瑰花瓣，仲有点点开心果仁碎，甚为吸晴，而一层白，又一层红，份外抢眼。一向做蛋糕都怕啲生果出水而影响质感，但今回完全无呢个问题，由上而下轧一小口，有份爽口清甜（草莓及西瓜），又柔软绵滑（蛋糕与忌廉），实在美妙有趣。
草莓西瓜蛋糕
16 浏览
1 赞好
0 留言
波士顿红茶表姨甥女话食得有点饱，所以，简单要杯红茶嚟消消滞，茶香醇厚，饮落佢话几舒畅。
鲜奶咖啡 +$12先唔讲味道，个拉花喺双层龙猫已够先声夺人啦，而且，花纹拉得细致，左右又对称均匀，绝对喺手势纯熟嘅表现。从杯边呷一小口，除醇香嘅咖啡味，就喺顺滑而平衡嘅口感，唔会有奶泡撞入浓缩咖啡时不均匀嘅违和感。
鲜奶咖啡
15 浏览
0 赞好
0 留言
张贴
