十十川滬料理 (已結業)

平时出旺角都好少去朗豪坊入面食野，始终周围都有好多选择，近期里面有廸士尼期间限定店，所以顺道入去行下，食个川菜当晚餐。拣左个价值$488晚市二人餐。先来开胃前菜凉拌莴笋丝，入口够清爽，重有淡淡嘅花椒香。老坛酸菜鱼因为第一次食，所以拣左小辣少麻，酸菜鱼肉质嫰滑，吸尽精华嘅配料入口更惹味。香辣小笼包（红毛），一笼有4件，皮薄得黎唔会一夹就烂，做得唔算错，馅料里面用上花椒粒，令入口多一份刺激。鲜肉生煎包（2个）比我想像中有惊喜，生煎唔会煎得太干身，香脆得黎，里面都保持软熟。酥皮凤梨奶黄窝饼另一个有惊喜就系佢，入口热辣辣，外脆内软，而且食到粒粒嘅凤梨果肉，味道香浓，份外滋味。