堅信號上海生煎皇 (將軍澳廣場)

营业中

休息中

放工做完facial, 撞岩丫妹做完gym, 咁夜大家都未食dinner, 于是就系附近揾间餐厅医肚。餐厅地方企理, 设有卡位。【坚揪小笼包】HK$38/4只小笼包皮薄, 以鸡髀肉、紫椰菜取缔传统小笼包馅料, 更为健康。内里juicy, 有少少唱口感。【坚信号生煎包】HK$36/4只生煎包底煎至金黄香脆, 包质软熟, 虽然包比例厚咗d, 但一咬果然爆汁到弹到台面都系…有淡淡猪肉香。【酸辣汤水饺】HK$44酸辣汤汤底滑偏杰, 有好多酸辣汤嘅材料, 例如木耳丝、肉丝、笋丝等等…酸辣平衡, 又有层次。水饺皮稍为厚咗D, 以菜肉做馅料。【秘制猪扒担担面】HK$66猪扒同担担面分开上, 秘制猪扒表面平均沾上薄薄甜汁, 肉质偏实, 口感同味道有如平时食嘅甜甜猪肉干咁; 担担面可选辣度, 正常辣度刚刚好, 肉碎份量多, 汤底有颇浓嘅花生味, 容易挂汤, 面质索咗个汤底而偏林。【糖醋脆黄鱼配菜饭】HK$68每件糖醋脆黄鱼表面平均有糖醋汁包住, 甜多过酸, 炸皮脆口; 菜饭粒粒分明, 但菜味唔突出, 有如白饭一样。【豆浆】HK$12甜度刚刚好, 唔会过甜过淡, 解辣必饮。