堅信號上海生煎皇 (形點 II)

营业中

休息中

今日去元朗Yoho附近做嘢，收工同同事就近近地系yoho揾野食医肚。行左一阵见到坚信号就好想食生煎包，于是就决定食呢间。餐具都几卫生咁用热水浸住。餐牌好清楚咁分晒类，见到样样都好想食。发现佢午餐都几抵食！自己用电话落单方便快捷，唔洗惊漏单。生煎包梗系要趁热食，个底煎到金黄食，令人食欲大增。入口热辣辣好香脆，芝麻同葱花令到生煎包更加香口，不过食𠮶阵就要小心爆汁喇！我哋食完仲encore左一转。小笼包皮薄饀靓，汤汁超级够。叫咗碟菜心，菜心好翠绿，上面淋咗啲鲍鱼汁，做到提升嘅效果。一坐低见到麻辣酸菜鱼个poster就决定食呢个，啲鱼份粮好多，鱼肉好鲜甜，配埋酸菜同辣椒，令人食上瘾！啲薯粉都好烟韧，仲有金针菇同埋芽菜，成碗面好健康！叫咗杯豆浆解辣，甜度适中，味道好香浓。