羽田日本料理 (已結業)

下昼仲要考试,有近三个钟的食饭时间,就落大围食晏...要在学生lunch time前食,以免又要等位...入去,即刻有人问我食乜,我话:「睇睇先...」我一坐低,佢又问我食乜,自己睇都未睇,点答佢=.="点左五件三文鱼寿司+拉面,餐饮得汽水或面豉汤,唯有饮可乐...先黎五件三文鱼寿司...长到拖碟的三文鱼新鲜,寿司饭都够稳固,惜三文鱼切得比较薄...之后黎的系拉面,份量一般,拉面冇比汤浸腍,唔算弹牙但咬口仍在...汤系味噌汤底,味浓,但唔算好咸...最后的系甜品,啫喱加花奶...估计系用啫喱粉整果d,不过都ok的...环境都叫几好,放左d日式摆设...但服务就麻麻,入到去冇人斟茶,赶住要人落单,埋单又冇人应...但对熟客完全唔同,即刻有人斟茶递水,慢慢落单,又好礼貌,随叫随到...生同熟始终唔同...