Pho 778 (已結業)

放工後經過灣仔克街，見到有間新開張賣緊越南生牛河，睇下個menu~價錢相宜同埋選擇都幾多！所以就入左去食晚餐啦~圖文並茂說出最正宗食生牛肉河既食法~~我就叫左個安格斯牛肉牛筋河粉，先飲啖湯~幾香幾濃郁！再自行加上九層塔，芽菜，青檸作調味！味道更鮮~生牛河剛被熱湯浸熟，非常嫩滑！牛筋細緻綿綿！軟滑香淋~吸埋湯底味好入味。再叫左個越南手撕雞越式法包有7寸咁大個，外層幾脆卜卜！內層有汁醬，蕃茄，香葉，手撕雞。配埋一齊個感覺好好味！！餐飲要左杯越南滴漏咖啡~味道香濃幼滑，又唔會太甜！真的不錯~