Brass Spoon (匯豪峰) (已結業)

今日嚟咗呢间嘢食late lunch，谂住碰下运气，因为好多时黎佢都唔开，宜家仲要过晒lunch时段，成三点几四点，结果佢又开㖞，不过全店冇客，仲好得我一个人⋯个侍应pass左张order纸俾我，哩间野主食系生牛肉汤河，有超级生牛肉同普通生牛肉之分，差成三十几蚊，生牛肉亦有分生牛肉、生牛肉及熟牛肉、同熟牛肉之分。我拣左普通生牛肉（生牛肉），因为之前食过超级生牛肉，真系食唔出好大分别，所以我就悭返个三十几蚊追加多一份生牛肉（加十七蚊）。另外，因为我系滨海控，所以嗌咗个类似嘅蒸粉卷，加罐可乐。讲返个生牛肉汤河，追加左一份牛同冇追加份量差唔多，我叫生牛肉，但黎到嘅时候已经系全熟嘅牛肉，anyway，牛肉质素系高嘅，所以我觉得唔需要特登order超级生牛肉。老实讲，个汤底系成碗生牛肉汤河嘅灵魂，我成日黎食嘅原因都系因为佢个汤底真系做得好好，有时就算个汤底真系做得好好，都好似同啲河粉完全唔夹，但系佢哩间嘅生牛肉汤河就系出色在哩样野，味道好甜，应该D牛骨淆左好耐，同D河粉好夹，真系好食。要弹嘅唯一一样野系份量问题，男仔食一定唔够饱。至于蒸粉卷就一般，得三旧，成五十五蚊，粉皮系薄嘅但唔够滑，馅亦唔多