影片
2008-10-16
62 浏览
除咗同心之外，呢间亦系我哋经常嚟嘅泰国菜馆，因为啲阿姐好招呼，又成日有新嘢试，打开餐牌竟然见到唔系好多地方都有嘅～生牛肉！熟嘅牛好似牛扒、烧牛肉同山竹牛肉都好食之外，其实生嘅牛肉仲好食，意大利菜有生蕃茄水牛芝士牛肉，日本菜有牛刺，原来泰国菜都有！梗系要试啦！我哋净系叫咗： 生牛肉沙律：阿姐落单时问咗两次知唔知啲牛肉系生架，我哋讲两次佢先肯写，送到嚟唔会好血淋淋，卖相几靓，有啲青红椒仔拌食，仲有啲好细粒嘅蒜头添，牛肉味唔系好浓，可能香料多啦，不过就打到好绵，有生菜可以包住食，冇咁散！食落都有啲辣，连埋九层塔食就最好味！ 唔错，下次会再食！ 炸酿皮蛋：不嬲都系咁好味，虾胶包住皮蛋炸完切件，可能自己钟意皮蛋所以偏爱！虾胶好弹，皮蛋溏心，如果拌食个点汁唔系用现成嘢而肯研发一下就完美嘞，因为个汁有太多人工味道！ 珍多冰：椰子味浓，珍多都几烟靱，好香，唔错，不过饮完有啲饱！ 龙眼冰：佢啲龙眼仲要大粒啲，味道似同心咁浓，都系用嚟解辣！今日第一餐食得太多嘞，食唔到几多嘢添！
除咗同心之外，呢间亦系我哋经常嚟嘅泰国菜馆，因为啲阿姐好招呼，又成日有新嘢试，打开餐牌竟然见到唔系好多地方都有嘅～生牛肉！熟嘅牛好似牛扒、烧牛肉同山竹牛肉都好食之外，其实生嘅牛肉仲好食，意大利菜有生蕃茄水牛芝士牛肉，日本菜有牛刺，原来泰国菜都有！梗系要试啦！我哋净系叫咗：
生牛肉沙律：阿姐落单时问咗两次知唔知啲牛肉系生架，我哋讲两次佢先肯写，送到嚟唔会好血淋淋，卖相几靓，有啲青红椒仔拌食，仲有啲好细粒嘅蒜头添，牛肉味唔系好浓，可能香料多啦，不过就打到好绵，有生菜可以包住食，冇咁散！食落都有啲辣，连埋九层塔食就最好味！ 唔错，下次会再食！
炸酿皮蛋：不嬲都系咁好味，虾胶包住皮蛋炸完切件，可能自己钟意皮蛋所以偏爱！虾胶好弹，皮蛋溏心，如果拌食个点汁唔系用现成嘢而肯研发一下就完美嘞，因为个汁有太多人工味道！
珍多冰：椰子味浓，珍多都几烟靱，好香，唔错，不过饮完有啲饱！
龙眼冰：佢啲龙眼仲要大粒啲，味道似同心咁浓，都系用嚟解辣！
今日第一餐食得太多嘞，食唔到几多嘢添！
查看之前的留言 ()
张贴
