影片
更多
2011-06-29
290 浏览
生病的日子，医生都系建议食方包、粥同通心粉。过左两日之后，都总要揾d清淡得黎又有味既野黎食，今次揾左呢到，由食粥开始，到试埋d面，都几唔错，其实呢两三个礼拜，大大话话都帮衬左好几次，又分享下。皮蛋瘦肉粥 x N次 。食过n次，系第一次黎就食既一款，阿哥哥都好老实话本身粥底实有「味」，不过都要食架，粥底本身够棉，米香明显，「味」系有不过唔算系好好好好强劲，至少食完唔算系太好渴，都岩正在康复既我。皮蛋系一大只，唔系得几旧。瘦肉系好东西，一丝丝的带点咸味，呢排食得粥多，好多地方既瘦肉真系无咩味，呢到明显水准高几班。肉丸粥。其实系听见阿姐介绍人食肉丸，就跟风要碗，肉丸好弹牙，不过就未算鲜甜，记得系澳门食过一次好鲜甜既肉丸粥系好唔错，不过唔记得名，呢到就普普通通。粥底就依旧都系好食。$22蚊，正路价。猪润滑鸡粥。其实真系差唔多叫做正常返先叫黎食，猪润够粉嫩，熟透度刚好，鸡未食，已经见有少少油系粥面浮浮下，食落鸡就唔系太鲜甜，不过就带点酒味。记得上次去沙田食粥食到一肚气，这里的我收货。不过要$38蚊，都唔平。鱼片面。其实系食鱼片粥先，总觉得鱼片配粥夹档d。不过见有个人黎亲叫都唔洗叫，d伙记就会落鱼
皮蛋瘦肉粥 x N次 。食过n次，系第一次黎就食既一款，阿哥哥都好老实话本身粥底实有「味」，不过都要食架，粥底本身够棉，米香明显，「味」系有不过唔算系好好好好强劲，至少食完唔算系太好渴，都岩正在康复既我。皮蛋系一大只，唔系得几旧。瘦肉系好东西，一丝丝的带点咸味，呢排食得粥多，好多地方既瘦肉真系无咩味，呢到明显水准高几班。
肉丸粥。其实系听见阿姐介绍人食肉丸，就跟风要碗，肉丸好弹牙，不过就未算鲜甜，记得系澳门食过一次好鲜甜既肉丸粥系好唔错，不过唔记得名，呢到就普普通通。粥底就依旧都系好食。$22蚊，正路价。
猪润滑鸡粥。其实真系差唔多叫做正常返先叫黎食，猪润够粉嫩，熟透度刚好，鸡未食，已经见有少少油系粥面浮浮下，食落鸡就唔系太鲜甜，不过就带点酒味。记得上次去沙田食粥食到一肚气，这里的我收货。不过要$38蚊，都唔平。
鱼片面。其实系食鱼片粥先，总觉得鱼片配粥夹档d。不过见有个人黎亲叫都唔洗叫，d伙记就会落鱼片面，有试下鱼片配面系咩效果，鱼够新鲜够滑，好怕有腥味，这里处理得唔错，食面的话，加小小胡椒粉提提味，更好，原来鱼片搭面都ok。
云吞捞面 。胃口开始返黎，要个捞面，贪其份量够大，面系幼身面，就唔多食到碱水味，应该冇啩。云吞唔系果d大大粒，我觉得系正常size啦，虾几鲜爽，猪肉亦够多，系几好食。捞面跟个汤，胡椒味强劲，带点鲜甜，正常野。
炸酱面。上次系好旺角食那个甜版炸酱面，食得几满意，今次试埋新九记呢到，这里的都系肉丝明显一条条，唔系肉碎，喜欢有咬口应该会满意，辣味几出，不过唔系果D辣到出哂汗果D，剩系计个味都系有水准既炸酱。面都系够爽身，都系冇食到碱水味，我收货架啦。汤同捞面果个一样，都系强劲既胡椒味，不过配埋炸酱面，好似有点呛。$20蚊，都OK啦。
芥兰。其实菜有咩好写呢，都系D正常野，不过黎左几次，留意到D人叫菜大部份都系叫芥兰，又试下有咩咁特别，芥兰食落冇苦涩味，要冇苦味都系功夫野，妨间好多方法，好似咩开边丫，浸暖水，煮腍D等等等等。不过就好似真系通常系面档都系食到有点苦味，这里的确系冇苦味，难怪郊外油菜都系食芥兰。
食粥食面都几唔错，同区黎讲，粥既水准真系几参差，要数三间应该呢到会系其一。不过都帮衬左两三个礼拜，短期内LUNCH都系继续四围拱揾下其他野食。张贴
