Wooden House (已結業)

适逢世界杯放假，契妹话要庆祝七四美国独立纪念日，出名为食o既小肥契哥亦懒理自己夜啲要参加舞会，收咗工就先同佢去天后一家听讲有十蚊生蚝食o既「Wooden House」度轻食晚膳。隐藏于后街o既西餐厅楼底极高，餐桌全用上合并式木造枱櫈，整洁卫生。入座后，温婉o既妹妹随即送上温水及餐牌，桌上亦餐具齐备。晚市散叫餐牌共有七页之多。酒牌则只有一页。当问及妹妹系咪冇啤酒饮时，佢就解释话店子刚刚开始有两款生啤饮，周一至四全天仲做紧买二送一优惠，只系新到未黎得切印落酒牌而已。听见两口子想开枝汽酒贺七四时，妹妹仔就提议我地一试店子新入$250/樽o既西班牙汽酒。「Cheers!」Coffin Bay生蚝（$38/只）：二人原意系黎食十蚊生蚝，无奈落单时十蚊𠮶款早已卖清，最终唯有应推介每人要咗两只澳洲「Coffin Bay」生蚝。两双生蚝以拼盘呈上，蚝只新鲜嫩滑，并渗透著香浓o既海水味。大啡菇，蒜头，香草，温泉蛋（$78）：大大只啡菇以沙律菜垫底，菇面只温泉蛋白里透鲜黄，卖相已值满分。大啡菇本身厚润芬芳，混入橙黄流心o既靓靓温泉蛋，食落更是香滑无比，甜美可口！窝夫配意大利雪糕（$58）：主菜窝夫厚身得黎