影片
更多
2023-03-26
60 浏览
之前睇报道介绍见到有日本北木岛🇯🇵直送嘅生蚝任食，地址仲要喺中环，我即刻打电话去订枱☎️今日我同朋友选择咗《90分钟任食铁板烤牡蛎帆立贝 》$498/位餐厅采用手机落单📱方便又快捷。点餐无耐，一盘精美嘅九宫格就送到面前📸呢个放题包括九款前菜，有主打嘅生蚝🦪配啫喱、香葱及萝卜蓉、天妇罗紫苏叶吞拿鱼蓉、象拔蚌刺身、天妇罗秋葵等。当中最有惊喜嘅系「喜多嬉牡蛎茶渍饭」🍵同「手工月见烧鸟串」🍡「喜多嬉牡蛎茶渍饭」🍵外貌一般，绿绿地色，我都有少少怀疑，不过细细啖放入口之后就发现完全唔简单！浓郁嘅蚝味，鲜甜无比嘅汤汁，加上蚝肉碎，组合成一道令人食得津津有味嘅茶渍饭😋「手工月见烧鸟丸」🍡 免治鸡肉混入少许鸡软骨，令口感更加有层次。烧汁甜甜地，可配以日本新鲜鸡蛋一齐食，味道更香更滑。放题有两款生蚝🦪可以选择：🦪烧牡蛎 - 生蚝只色只胀卜卜，爽脆又多汁，焗至半生熟，鲜甜美味。🦪牡蛎刺身 - 每只都有起码三吋长。淡淡海水味，唔会太咸，配以微酸啫喱、香葱同萝卜蓉，我一个人都食咗成打， 十分满足！✨有另一隐藏食法，就系点「牡蛎刺身」嘅时候，拣「走」𠮶三款配料，咁就变成纯生蚝🦪啦！可以品尝生蚝嘅纯天然味道！除咗生蚝
今日我同朋友选择咗《90分钟任食铁板烤牡蛎帆立贝 》$498/位
餐厅采用手机落单📱方便又快捷。
点餐无耐，一盘精美嘅九宫格就送到面前📸呢个放题包括九款前菜，有主打嘅生蚝🦪配啫喱、香葱及萝卜蓉、天妇罗紫苏叶吞拿鱼蓉、象拔蚌刺身、天妇罗秋葵等。当中最有惊喜嘅系「喜多嬉牡蛎茶渍饭」🍵同「手工月见烧鸟串」🍡
「喜多嬉牡蛎茶渍饭」🍵外貌一般，绿绿地色，我都有少少怀疑，不过细细啖放入口之后就发现完全唔简单！浓郁嘅蚝味，鲜甜无比嘅汤汁，加上蚝肉碎，组合成一道令人食得津津有味嘅茶渍饭😋
「手工月见烧鸟丸」🍡 免治鸡肉混入少许鸡软骨，令口感更加有层次。烧汁甜甜地，可配以日本新鲜鸡蛋一齐食，味道更香更滑。
放题有两款生蚝🦪可以选择：
🦪烧牡蛎 - 生蚝只色只胀卜卜，爽脆又多汁，焗至半生熟，鲜甜美味。
🦪牡蛎刺身 - 每只都有起码三吋长。淡淡海水味，唔会太咸，配以微酸啫喱、香葱同萝卜蓉，我一个人都食咗成打， 十分满足！
✨有另一隐藏食法，就系点「牡蛎刺身」嘅时候，拣「走」𠮶三款配料，咁就变成纯生蚝🦪啦！可以品尝生蚝嘅纯天然味道！
除咗生蚝之外，串烧亦做得好出色。每串都系即叫即烧，带有焦香，外脆内嫩。枱面上仲有XO酱、蒜蓉酱、孜然酱及秘制魔鬼辣椒粉可以自行添加。如果食得辣的话，一定要试吓秘制魔鬼辣椒粉🌶️调味粉入口甜甜地，独特嘅辣味瞬间跟随，可令肉类串烧更加惹味！
饮品亦包括喺放题入面，有多款自家制冷泡茶及罐装汽水。我选择咗白桃乌龙茶，味道清新入口顺滑。
我同朋友都食咗好多生蚝🦪临走先发觉未试过餐厅嘅特色乌冬🥣唯有留返下次再去试吓啦！到时我记住会留定肚仔🤭
九宫格-前菜
2 浏览
0 赞好
0 留言
牡蛎刺身
1 浏览
0 赞好
0 留言
烧牡蛎帆立贝
3 浏览
0 赞好
0 留言
牡蛎刺身
1 浏览
0 赞好
0 留言
张贴
