The Oyster House (已搬遷) 新店位置

夏天食生蚝，感觉真系好夹。今日就约咗朋友去湾仔嘅Oyster House 食晚餐。我同朋友两个人叫咗半打生蚝 有Rolex, Sentinelle, 同Irish Rock。Rolex 好滑好creamy， 一啖就可以吸入口，少少海盐味。Sentinelle就相对鲜甜。而Irish Rock就有好浓烈嘅蚝味。之后正式食晚餐，现在有蕃茄罗勒水牛芝士，黑醋同埋 车厘茄中和咗水牛芝士，令佢食落去唔会好漏。然后叫咗烤日本带子配野菌木鱼丝，带子好好肉地，食落鲜甜。野菌同木鱼丝就起咗吊味嘅作用，呢个配搭都几新鲜。海鲜配搭佢哋嘅house wine 澳洲白酒非常夹。餐汤我哋分别叫咗黑松露野菌忌廉汤同鲜蚝浓汤， 黑松露忌廉汤好香黑松露味，饮落去好creamy。鲜蚝浓汤就相对就比较清，但系蚝味好出。之后嚟嘅系炭烧加拿大天然猪鞍， 简直惊为天人，猪肉一啲都唔干，反而好juicy ，猪皮有浓浓嘅骨胶原，仲有少少焦香味。配菜嘅薯蓉亦都好creamy。甜品系香蕉拖肥批，焦糖味浓郁，用咗好多香蕉，足料而且有好香嘅蕉味。