Starry Night (已結業)

我同朋友一向都好钟意食生蚝，上网见到呢间系铜锣湾既生蚝放题吧，只系每位$468就可以任食生蚝2个钟，紧系要即刻book黎试下佢。上到餐厅七点几，已经见到差唔多full house，大家黎之前一定记住要book位。餐厅装修方面，见到壁画同灯光都充满住宇宙星球既主题，感觉几得意。一坐低，好快就上前菜，有黑糖包，忌廉汤，味付螺肉、日式中华沙律同埋日式芝麻八爪鱼。主菜方面三拣一，包括纽西兰羊架、西冷牛扒同埋Carbonara。我哋拣咗羊架同埋牛扒。羊架同牛扒都啱唔错，羊架肉质鲜嫩，有我最钟意既羊膻味。牛扒大大块，Juicy有肉汁，熟度啱啱好，仲配埋热辣辣新鲜炸起既薯角。终于到今餐饭既主角，生蚝！生蚝有分日本同埋法国两种，两种都好肥美鲜甜，海水味重，加埋柠檬汁同辣酱令鲜味更加特出。另外仲有翡翠螺同冻虾，同样非常新鲜。另外值得一赞既系店员会自动自觉帮手清走生蚝壳同换碟，见我哋食完第一盘，亦会好快就帮我哋上第二盘。