BuBu燒麻辣燙

营业中

休息中

朋友食开生酮餐，所以我哋去左BuBu烧麻辣烫食港式串烧。叫咗以下菜式。鸡软骨串烧：佢嘅鸡软骨唔系平时细细粒𠮶种，而系长身既。有啲似我哋平时食鸡胸肉有个鸡软骨位𠮶个部份，几特别。黑椒台湾肠串烧：甜甜地嘅台湾肠，再加埋黑椒味喺入边。好入惹味，而且一啲都唔干身。韭菜串烧：韭菜串烧最惊就系食到成口渣。好彩佢呢个唔老。而且烧嘅时间啱啱好，烧完都保持翠绿。鸡中翼串烧：鸡中翼烧得金黄，肉质Juicy。猪颈肉串烧：呢个推荐大家一定要食。好厚身嘅猪颈肉，咬落好弹牙，肉汁丰富。烩鱿鱼一份：职员帮我哋剪开左做一块块，可以慢慢一路倾一路食。烧扇贝两只：扇贝加咗蒜蓉落去一齐烧。而且扇贝Overcook, 易咬开，并且保留到肉汁。生炸鸡髀：鸡髀好大只。调味啱啱好，唔会过咸。郊外油菜：职员好细心咁，帮我哋蚝油分上。今晚嘅油菜系生菜，生菜爽脆鲜嫩。王老吉，维他菊花茶：食串烧系必须要配嘢饮。我哋叫咗比较清热嘅菊花茶同埋王老吉，感觉健康啲。第一次嚟呢间舖头，觉得职员好细心，可以从佢哋烧出嚟食物嘅质素睇得出。