影片
更多
2021-02-10
25 浏览
朝早开完会，小妹落深水埗小店同朋友仔聚旧，老死对小妹不错，竟然食到生酮友善嘅惊喜午餐！ 睇到车仔面嘅菜单选择，见到魔芋粉丝已经不得了！跟住之后系有市场少有嘅食材，小妹就择咗龙须菜、麻辣鸡脆骨、方砖鸭血、豆皮结、海带苗、黄金小皮蛋、淮山粉丝、老板菜、千叶豆腐丝等等。 拣咗呢个组合： 麻辣牛腱片豆皮结黄金小皮蛋冬菇魔芋粉丝秘制麻辣汤（小辣） 见到芝士鸡蛋卷、吉列芝士流心猪扒、流心拉丝韩炸鸡更加不得之了，梗系叫埋同朋友仔开心 Share XD 知道食好𩠌要耐心，等咗10分钟左右。 车仔面先上，原来每份车仔面都有芫荽铺面，怕芫荽嘅朋友记得落单𠮶阵话走芫荽。 小妹误打误撞叫咗「牛腱片酸辣粉」，上一菜，一祲暖暖嘅辣味飘过嚟。牛腱片肉质保持嫩滑，辣味十足，麻辣汤意外地有酸辣汤嘅风味，但系一啲都唔𢲡脷𢲡胃。魔芋粉丝挂汤唔错，质感中规中矩。特别要提嘅系黄金小皮蛋，原来腌制过嘅鹌鹑蛋，口感少少烟韧，第一次帮衬嘅朋友一定要试吓！ 食完个「酸辣粉」，跟住就系个芝士鸡蛋卷，以为同平时喺韩食炸鸡店食嘅差唔多，非也！呢个蛋卷大净系蛋卷上面嘅酱已经见到师傅嘅心思。原来系用红莓、茄膏、 杂果同利宾纳做酱汁，另外个芝士
朝早开完会，小妹落深水埗小店同朋友仔聚旧，老死对小妹不错，竟然食到生酮友善嘅惊喜午餐！
睇到车仔面嘅菜单选择，见到魔芋粉丝已经不得了！跟住之后系有市场少有嘅食材，小妹就择咗龙须菜、麻辣鸡脆骨、方砖鸭血、豆皮结、海带苗、黄金小皮蛋、淮山粉丝、老板菜、千叶豆腐丝等等。
拣咗呢个组合：
麻辣牛腱片
豆皮结
黄金小皮蛋
冬菇
魔芋粉丝
秘制麻辣汤（小辣）
见到芝士鸡蛋卷、吉列芝士流心猪扒、流心拉丝韩炸鸡更加不得之了，梗系叫埋同朋友仔开心 Share XD
知道食好𩠌要耐心，等咗10分钟左右。
车仔面先上，原来每份车仔面都有芫荽铺面，怕芫荽嘅朋友记得落单𠮶阵话走芫荽。
小妹误打误撞叫咗「牛腱片酸辣粉」，上一菜，一祲暖暖嘅辣味飘过嚟。牛腱片肉质保持嫩滑，辣味十足，麻辣汤意外地有酸辣汤嘅风味，但系一啲都唔𢲡脷𢲡胃。魔芋粉丝挂汤唔错，质感中规中矩。特别要提嘅系黄金小皮蛋，原来腌制过嘅鹌鹑蛋，口感少少烟韧，第一次帮衬嘅朋友一定要试吓！
食完个「酸辣粉」，跟住就系个芝士鸡蛋卷，以为同平时喺韩食炸鸡店食嘅差唔多，非也！
呢个蛋卷大净系蛋卷上面嘅酱已经见到师傅嘅心思。原来系用红莓、茄膏、 杂果同利宾纳做酱汁，另外个芝士馅加咗杂果、沙律酱同芥辣，减低芝士又腻又滞嘅感觉，但系仍然识拉丝㗎！
吉列芝士流心猪扒都系芝识拉丝嘅朋友，热辣辣嘅猪扒正在芝士份量足，师傅用心将猪扒整到薄身，肉质松化，配捞面一流！
接住落流心拉丝韩炸鸡系芝士识拉丝局部去骨鸡翼，咬一口已经有芝士爆出嚟，口感软绵绵，可惜小店无卖啤酒，咁唯有买外卖先可以感受炸鸡啤酒嘅感受。
向师傅大赞食物好味嘅时候，师傅一开口就深入浅出介绍菜色嘅制法。
原来麻辣汤除咗花几个钟将食材炒好，仲加咗当归、黄芪、白术、薄荷、藿香、甘草，难怪个汤咁正气！
仲有晚市嘅串烧等待大家发掘，因为限聚令，座位有限，建议大家买外卖😉
张贴